Хаартыска СӨ Ил Дарханын уонна Бырабыыталыстыбатын саайтыттан
Хонууга быйыл иккис кыбаарталтан үлэни саҕалыахтара. Тутуу матырыйаала сотору кэминэн тиэрдиллиэ. Бу туһунан бырабыыталыстыба отчуотугар «Якутоптторг» хампаанньа генеральнай дириэктэрэ Сайдам Степанов иһитиннэрдэ.
«Тутуу матырыйааллара кыһыҥҥы суолунан аҕалыллыахтара. Үлэ иккис кыбаарталтан саҕаланыа уонна 2024 сылга алтынньыга түмүктэниэ», — диэн этэр Сайдам Степанов.
Эргиэн-логистика киинэ 550 кв.м. иэннээх буолуо. Манна эргиэн саалата, 150 тн оҕуруот аһын хаһаанар сир, сылаас уонна тымныы ыскылааттар, түргэнник буорту буолар аһы-үөлү уурар анал тымнытар тэриллэр баар буолаллар.
Сайдам Степанов бу эбийиэк кэнниттэн, манна өссө үгэс буолбут хаһаайыстыбаннай үлэни өйүүргэ соҕотуопка киинэ тэриллиэхтээҕин этэр. Онон балыктыыр хаһаайыстыбалар балыктарын, аграрийдар эти туттарар кыахтаныахтара. Онно анаан астыыр-үөллүүр уонна хаһаанар хостор тэриллиэхтээхтэр диэн этэр. Маны таһынан, түүлээҕи уонна сир аһын тутар буолуохтара. Итиннэ «Якутоптторг» хампаанньа «Сахабулт» тэрилтэни кытары үлэлэһиэ. Маны таһынан, атын хампаанньалары кытары кэпсэтии бара турар, ол иһигэр «Сахачэй» хампаанньаны кытары эмиэ.
Муома улууһун киинигэр «Якутоптторг» хампаанньа табаара бүгүҥҥү күҥҥэ диэри кыра маҕаһыыҥҥа атыыланар. 1970-с сылларга тутуллубут бэйэлэрин бас билэр ыскылааттара бааллар. Оройуон атын сэлиэнньэлэригэр табаары 5 оператор атыылыыр.
Санатан эттэххэ, бастакы пилотнай эргиэн-логистика кииннэрэ Абыйга Белай Гораҕа, Усуйаанаҕа Уус Куйгаҕа киллэриллибиттэрэ. Оттон Черскэйгэ уонна Зырянкаҕа итинник кииннэри быйыл кулун тутар бүтүүтүгэр диэри түмүктүүр былааннаахтар. Орто Халымаҕа, Эдьигээҥҥэ уонна Тиксиигэ — алтынньыга. Тутуу быйыл Хонууну сэргэ, эмиэ эһиил киллэриллэр былааннаах Дьааҥы оройуонугар Баатаҕайга эмиэ саҕаланар. Оттон 2024 сылга үлэ Аллайыахаҕа Чокурдаахха, Эбээн Бытантайга Баатаҕай Алыытыгар, Өлөөҥҥө оройуон киинигэр саҕаланара былааннанар.
Бырайыактар федеральнай бүддьүөттэн үбүлэнэллэр. Эргиэн-логистика киинигэр тутууга федеральнай киин 1 млрд. солк. көрөр. Өрөспүүбүлүкэ кыттыгас үбүлээһинэ 150 мөл. солк.
«Якутоптторг» Анаабыр оройуонуттан ураты, бары арктическай оройуоннарга үлэлиир. Маны сэргэ, кууһунан атыынан Кэбээйини, Томпону, ону сэргэ, бүлүү бөлөх улуустары кытта үлэлэһэр.
Хампаанньа балаансатыгар алта суудуналаах, ол иһигэр, үс «река-море» кылаастаах суудуналардаах. Прицептээх уонна сылаас будкалаах уон тырааныспардаах. Кыһыҥҥы кэмҥэ таһаҕаһы тиэйиигэ 37 дуогабар түһэрсиллэн, 100-тэн тахса тырааныспар үлэлиир. Кыһыҥҥы суол сабыллыар диэри, «Якутоптторг» 6700 тн социальнай суолталаах таһаҕаһы тиэрдиэхтээх.
СӨ Ил Дарханын уонна Бырабыыталыстыбатын пресс-сулууспата
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…