Хаартыска: Саина Титова, ЯСИА
Саха сирин мобильнай быраастара дьахтар куртаҕыттан булавканы буллулар. Дьахтар иһэ күүскэ ыалдьан, Муоматааҕы киин оройуон балыыһатыгар киирбит, диэн ЯСИА иһитиннэрэр.
Ыарыһах дьахтары санавиациянан Дьокуускайга көтүппэтилэр. Ол кэмҥэ оройуон балыыһатыгар Өрөспүүбүлүкэтээҕи киин балыыһа мобильнай быраастарын састаабыгар быраас-эндоскопист Мария Винокурова үлэлии сылдьара табыллан, суһал көмө оҥоһулунна.
«Дьахтар биһиги Муома оройуонугар командировкабыт алтыс күнүгэр балыыһаҕа киирбитэ. Биһиги Хонуу сэлиэнньэтиттэн көтөөрү бэлэмнэнэ олорор этибит. Дьахтар куртаҕым ыалдьар диэн кэлбитэ. Көрүү кэмигэр сытыы эттиги буллубут. Онтубут булавка буолан, куртах иһинээҕи бүрүөтүгэр анньыллан турбута быһаарылынна», — диэн Мария Винокурова ЯСИА-ҕа кэпсээтэ. Быраастар эттиги анал кыптыыйынан хостуурга сатаннылар. Булавка уорганнары алдьаппатах, билигин дьахтар туруга үчүгэй.
«Ыарыһах булавканы хайдах ыйыстыьытын өйдөөбөт, ол эрээри үлэтигэр булавканан элбэхтик туттарын эппит. Бэйэтэ даҕаны олус соһуйбут, арааһа, сыыһа туттан ыйыстыбыт буолуохтаах. Кини этэринэн, булавканы ылбыттарын кэннэ сытыы ыарыыта тута ааспыт. Булавка уорганнары алдьаппатах, барыта уустуга суох ааста. Куртахха киирбит эттик уорган стенкатын тэһиитигэр (перфорацияҕа), ону таһынан хаан барыытын курдук атын содулларга тиэрдиэн сөп», — диэн Мария Винокурова эбэн эттэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…