Хаартыска sakha.gov.ru ылылынна
Муомаҕа элбэх кыбартыыралаах икки дьиэ тутулла турар.
Хонууга бу «2019-2025 сс. гражданнары хаарбах туруктаах дьиэттэн көһөрүү» бырагырааматынан ыытыллар. Манна 14 уонна 16 кыбартыыралаах дьиэлэри 2023 сыл бүтүүтүгэр үлэҕэ киллэрэр соруктаахтар.
Билиҥҥи иһитиннэриинэн 14 кыбартыыралаах дьиэ 60% бэлэм буолбут. Онон бу сыл бүтүөр диэри муниципальнай бас билиигэ туттарар былааннаахтар. Дьиэ уопсай иэнэ 939,89 кв. м. Маны сэргэ, 16 кыбартыыралаах дьиэ бэлэмэ — 90% буолбут. Эмиэ сыл бүтүүтүгэр туттарар соруктаахтар. Тутуу уопсай иэнэ – 847,19 кв. м.
«Отут сыл тохтуу сылдьан баран, дьону-сэргэни хаарбах дьиэттэн көһөрүү бырагыраамата баар буолан, Арктикаҕа элбэх кыбартыыралаах дьиэлэри тутуу саҕаламмыта. 2025 сылга диэри Арктика оройуоннарыгар 490 дьиэттэн көһөрүллүөхтэрэ. Ол эбэтэр 8,2 тыһ. хоту дойду олохтоохторо саҥа дьиэлэниэхтэрэ«, — диэн Ил Дархан Айсен Николаев эрдэ этэн турар.
Арктика сиригэр-уотугар хаарбах дьиэттэн дьону көһөрүү бырагырааматынан 2020-2025 сылларга 8 250 киһини 496 хаарбах туруктаах дьиэттэн (уопсай иэнэ 154,8 тыс. кв. м) көһөрүү үлэтэ былааннаммыта. Итинтэн билиҥҥи туругунан 1 917 киһи 35,6 тыс. кв. м көспүт, 2022 сылга — 440 киһи. Аны, 6 333 киһи көһүөхтээх.
Бу туһунан сиһилии https://www.sakha.gov.ru/news/front/view/id/3366812 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…