Муомаҕа гараас иһигэр үс массыына умайбыт

Сэтинньи 7 күнүгэр, түүн 03:04 чааска, баһаарынай-быыһыыр сулууспаҕа Муомаҕа Хонуу сэлиэнньэтигэр, Сэбиэскэй уулуссаҕа баар чааһынай гарааска баһаар тахсыбытын туһунан иһитиннэрии киирбит. Ыҥырыы киирэн 2 мүнүүтэ буолан баран, өрөспүүбүлүкэтээҕи баһаарынай харабылын күүстэрэ баһаар буолбут сиригэр тиийбиттэр.

Баһаар түмүгэр эмсэҕэлээбит дьон суох. Уот 96 кв. миэтэрэ иэннээх гарааһы уоннa үс массыынаны бүтүннүүтүн алдьаппыт. Биир массыына быыһанна. Баһаар төрүөтэ, буруйдаахтар уонна оҥоһуллубут хоромньу быһаарыллар. Уоту умуруорууга 12 үлэһит уонна 3 тиэхиньикэ үлэлээбит. Бу туһунан ЫБММ пресс-сулууспата суруйар.