Хаартыска Муома оройуоннааҕы киин балыыһатыттан
Муомаҕа «Доруобуйа харыстабыла» национальнай бырайыак иитинэн балыыһа комплексын тутуу салҕанар.
Хонууга 22 куойкалаах, симиэнэҕэ 100-тэн тахса киһи сылдьарыгар анаммыт поликлиникалаах балыыһаны быйыл ахсынньыга тутан бүтэрэр былааннаахтар. Бу Саха сирин арктическай зонатыгар биир бөдөҥ эбийиэгинэн буолуоҕа. Үлэ доруобуйа харыстабылын бастакы сүһүөх звенотун саҥардан оҥоруу чэрчитинэн ыытыллар.
Ил Дархан Айсен Николаев бэлиэтииринэн, федеральнай бүддьүөтэн үбүлээһининэн (6 млрд 590 мөл), оройуон кииннэригэр мэдиссиинэ биэс тэрилтэтэ, сэлиэнньэлэргэ биэлсэр-акушер пууннара, амбулаториялар тутуллаллар, аныгы үйэ ирдэбилигэр эппиэттиир мэдиссиинэ тэриллэрэ, көлөлөр ылыллаллар.
«Бүгүҥҥү күҥҥэ эбийиэк 53% бэлэм. Манна үс сыбаарсыктар биригээдэлэрэ, электриктэр биригээдэлэрэ, штукатурдар, вентиляцияны, дьиэ үрдн оҥорооччулар, ону сэргэ дьиэ таһын оҥорууга туспа биригээдэ үлэлииллэр«, — диир оройуоннааҕы киин балыыһа кылаабынай бырааһа Яков Бережнев.
Билигин уот боруобатын тардлыыга, щиттэри монтажтааһыҥҥа, турбалары тардыыга, уо.д.а. үлэ ыытыллар. Мэдиссиинэ сүрүн тэрилин ыланнар Хонууга тиэрдиэхтэрэ диэн иһитиннэрэллэр.
Үс мэндиэмэннээх дьиэ икки блоктаах буолар. Бастакы этээс сүрүн блогар поликлиника былааннанар. Манна сүүстэн тахса киһи симиэнэҕэ сылдьыахтаах. Оҕо поликлиникатыгар педиатр, тиис бырааһын, быһыыны туруорар, ийэ уонна оҕо хосторо, процедурнай баар буолуохтаахтар. Улахан дьон поликлиникатыгар — терапевт, харах бырааһын, психиатр, нарколог, невролог, хирург, дермато-венеролог, тиис бырааһын хосторо, процедурнай, физиотерапия, анаалыс ылар хостор, о.д.а. киириэхтээхтэр. Маны таһынан, бастакы мэндиэмэҥҥэ суһал көмө, фтизиатрия, о.д.а. туспа киирэр ааннанллара этиллэр.
Иккискэ — терапевт отделениета, хирургия дьахталлар оҕолонор блоктарын кытары киирэллэр. Үһүскэ — эпэрээссийэни оҥорор сир, клинико-диагностическай лаборатория, администрация, эмтэри харайан уурар хос. Иккис блокка — пищеблок, таҥас сууйтарар сир, гараж уо.д.а. хаһаайыстыбанай хостор.
Санатан эттэххэ, мэдиссиинэ бастакы сүһүөх звенотун саҥардан оҥоруу бырагырааматынан өр сыллар усталарыгар аан бастаан Саха сирин биэс оройуонугар мэдиссиинэ улахан тэрилтэлэрин тутуу саҕаланна. Ол курдук, былырыын Бүлүүгэ балыыһа комплексын бастакы блога үлэҕэ киирбитэ. Оттон быйыл Хонууну таһынан, Ытык Күөлгэ уонна Чурапчыга киин балыыһалар түмүктэниэхтээхтэр. Маны сэргэ, Уус Маайаҕа балыыһа комплекса тутулла турар. Аммаҕа поликлиника, Бүлүүгэ эмтиир куорпус (иккис уочарата), Намҥа, Ньурбаҕа, Майаҕа, Сангаарга тутуллуохтаахтар.
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…