Муомаҕа хайа тэллэҕэр иккис сир хамсааһына бэлиэтэннэ

Оптуорунньукка, олунньу 11 күнүгэр, олохтоох бириэмэнэн сарсыарда 10 чааска Муомаҕа Кыайыы хайа тэллэҕэр сир хамсааһына бэлиэтэннэ.

Сир хамсааһынын күүһэ —  4 баал. Бу туһунан ФИЦ ЕГС РАН Саха сиринээҕи филиала иһитиннэрэр.

«Сир хамсааһынын дириҥэ — 20 км, Раутиан энергетическэй кылааһа — 10,2. МСК шкалатынан сир хамсааһынын күүһэ 4 бааллаах, оттон магнитудата — 3,5», — диэн иһитиннэриигэ этиллэр. Бу кэнники күннэргэ  бастакы сир хамсааһына буолбатах. Субуотаҕа, олунньу 8 күнүгэр, учуонайдар 6-7 бааллаах сир хамсааһынын бэлиэтээбиттэрэ.