Муомаҕа маҥнайгы хаар түстэ

Муома улууһугар маҥнайгы хаар түстэ диэн социальнай ситимҥэ балачча элбэх хаар түспүт хаартыскатын ыыттылар. Биһиги Муома улууһугар сибээскэ тахса сырыттыбыт.

Ол курдук Улахан Чыыстай  бөһүөлэккэ уонна Сааһыырга хаардаабыт. Бу туһунан Улахан Чыыстай нэһилиэгин баһылыга Мараказов Павел Маркович  иһитиннэрдэ:

— Сарсыарда хаардаата, ол эрээри номнуо  уулунна. Икки нэһилиэккэ түстэ. Ол аата кыһыммыт сыыйа чугаһаан эрэрин туоһуулуур буоллаҕа.