Хаартыска: аха сиринээҕи Быыһыыр сулууспата
Ыам ыйын 5 күнүгэр сүппүт КамАЗ суоппарын бүгүн Саха сиринээҕи Быыһыыр сулууспатын көрдүүр- быыһыыр этэрээтин быыһааччылара буллулар.
Санаттахха, ыам ыйын 8 күнүгэр киэһэ 16.58 чааска ЕДДС сулууспатыгар эр киһини көрдүүргэ көмө көрдөһүүлээх дьахтартан сайабылыанньа киирбит. 1992 с.төрүөх эр киһи КАМАЗ массыынанан Муома улууһун Улахан Саһыыртан Саһыыр бөһүөлэккэ айаннаабыт. Ыам ыйын 5 күнүттэнэр киһи сибээскэ тахсыбат буолбут. Суол алдьаммыт, киһи олоҕор куттал үөскээбит.
Бүгүн, ыам ыйын 13 күнүгэр, «Полярные авиалинии» АХ Ми-8 бөртөлүөтүнэн Саха сиринээҕи быыһыыр сулууспатын үс быыһааччыта уонна ИДьМ үлэһитэ сүппүт эр киһини көрдөөһүҥҥэ көппүттэр.
«Биһиги кыһыҥҥы суолу батыһан сүппүт эр киһини уонна массыынаны көрдөөбүппүт. Баҕар эр киһи сатыы айаннаабыта буолуо дии санаабыппыт. Төһө кыалларынан сир үрдүнэн 90-100 миэтэрэ үрдүктээх көппүппүт. Улахан Перевалы ааһан, сылгы баазатын үрдүнэн көтөн ааспыппыт уонна 15-20 км тэйиччи бырысыаптаах, халлаан күөх тентанан бүрүллүбүт массыынаны булбуппут. Массыына уонна бырысыап икки ардыгар туран эр киһи илиитинэн далбаатыыра.
Массыынаттан 200 миэтэрэ тэйиччи сиргэ бөртөлүөтү түһэрэн, сүппүт киһини быыһаабыппыт. Нэдиэлэттэн ордук эрэйи көрсүбүт киһи олус үөрэ-көтө көрсүбүтэ. Массыыната алдьаммыт эбит. Чугас эргин тыатааҕыны көрбүппүт, онон сатыы барбатаҕа, миэстэтигэр хаалбыта үчүгэй», — диир 3 кылаастаах быыһааччы, бөлөх салайааччыта Иван Бережнов.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…