Хаартыска -- Евгения Герасимова тиксэриитэ
Былырыын Муома улууһун Чуумпу Кытылыгар 2022 сыллаахха аатырбыт геолог Сергей Обручев Индигир өрүскэ тэрийбит эспэдииссийэтин суолунан араас бырайыактар ыытыллыбыттара.
Бу туһунан «Кытыл» түөлбэ салайааччыта Евгения Герасимова бу курдук кэпсиир:
— Былырыын атырдьах ыйыгар биһиги нэһилиэкпитигэр историческай суолталаах тэрээһин ыытыллыбыта. Биллиилээх геолог, ССРС Академиятын Наукаларын чилиэн — кэрэспэдьиэнэ, Сталин бириэмийэтин l степеннээх лауреата Сергей Владимирович Обручев уонна Төбүлэх нэһилиэгин олохтооҕо, бэйэтин кэмигэр, ууһутунан аатырбыт, 1926 сыллаахха Индигири чинчийэр эспэдииссийэҕэ сүрүн сирдьитинэн сылдьыбыт Дмитрий Егорович Старков-Миичикэ сырдык ааттарын үйэтитэр өйдөбүнньүк Мэҥэ таас арыллыбыта.
Быйыл алтынньы 19 күнүгэр «Кытыл» түөлбэ олохтоохторун (сал. Евгения Герасимова) уонна Дмитрий Старков — Миичикэ сыдьааннара Жанна Соркомова-Чуканова, Антон Вожжов төрөөбүт дойдуларыгар тапталларын биллэрэн, инники да өртүгэр нэһилиэкпит сайда-чэчирии турдун диэн «Туос тыы» өйдөбүнньүк бэлиэни уонна С.В.Обручев, Д. Е.Старков ыскаамыйаларын оҥорторон туруордулар. Манна нэһилиэк олохтоохторо Индигир Эбэни көрөн олорон дуоһуйа сынньаныахтара, кэпсэтиэхтэрэ-ипсэтиэхтэрэ.
Бу тэрээһини иилээн-саҕалаан Сынньалаҥ дьиэтин директора Анастасия Никулина ыытта, аал уоту Марина Эверстова аһатан алҕаата. Эҕэрдэ тылы нэһилиэк аҕа баһылыга Петр Никифоров эттэ.
… Ити курдук, ыраах Муомаҕа устуоруйаны үйэтитэр араас тэрээһиннэри ыыталлар.
Саха киһитэ сөхтөҕүнэ уонна дьиибэргээтэҕинэ, эбиитин мунаардаҕына итинник диэччи. Бу сырыыга мин эмиэ итинник саҥа…
Өймөкөөҥҥө саас кэлиитэ ураты алыптаах. Ол ону талааннаах худуоһунньук, фотограф Семен Сивцев-Өймөкөөн Сэмэнэ түһэрбит хаартыскаларыгар…
"Сергей Шойгу оннугар Оборуона миниистиринэн анаммыт Андрей Белоусов кэргэнэ Лариса -- сахалар кийииппит, композитор Марк…
Ыам ыйын 16 күнүгэр «Айылҕа уонна биһиги» XVIII өрөспүүбүлүкэтээҕи аахсыйа чэрчитинэн Саха сиригэр Ньургуһун күнүнэн…
Кэнники сылларга Саха сиригэр элбэх социальнай эбийиэк тутуллар. Оҕо уһуйаана өрөспүүбүлүкэ инвестиционнай бырагырааматын чэрчитинэн, Ил…
Саха сиригэр баһаары утары үлэлиир зондировщик сөмөлүөттэр ыам ыйын 15 күнүттэн үлэлэрин саҕалыахтара. Бүгүн өрөспүүбүлүкэ…