Хаартыска: "Индигир уоттара" хаһыат
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru суруйар.
Нэһилиэк олохтоохторо көрсүһүүгэ бырабыыталыстыбаҕа уонна Доруобуйа харыстабылын министиэристибэтигэр мэдиссиинэ үлэһиттэрин көһө сылдьар биригээдэлэрин үлэтин тэрийбиттэрин иһин махтаннылар. Олохтоохтор доруобуйаларын бэрэбиэркэлэттилэр, идэлээх исписэлиистэртэн сүбэ-ама уонна анааһын ыллылар.
Сэлиэнньэ олохтоохторо саҥа оскуола тутуутун, тыа хаһаайыстыбатын сайыннарыы, сааскы халаан уутун сэрэтэр дьаһаллары ылыы туһунан боппуруостары туруорсаллар. Оробуочай бөлөх чилиэннэрэ отчуот кэмигэр киирбит бары ыйытыыларга сиһилии хоруйдаатылар.
Кулун-Өлбүт сэлиэнньэтигэр бырабыыталыстыба отчуотугар олохтоохтор интэриниэт сибээһин тупсарыы, тыа хаһаайыстыбатын сирдэригэр мелиорация үлэлэрин ыытыыга өйөбүл туһунан ыйытыылары биэрдилэр. Нэһилиэк олохтоохторун уокка, хомунаалынай өҥөҕө, авиабилиэккэ үрдүк тарыыптар, бырамыысыланнас салгыы сайдар түгэнигэр хотугу кыраай экосистиэмэтин харыстааһын долгуталлар.
Бүгүн бу күннэргэ Муома улууһугар үлэлиир бырабыыталыстыба бөлөҕө Чумпуу-Кытыл уонна Сааһыр сэлиэнньэлэрин олохтоохторун иннигэр отчуоттуоҕа. Нэһилиэнньэлээх пууннарга сылдьан кинилэр олохтоохтор тус боппуруостарын көрүөхтэрэ. Бырабыыталыстыба улууска түмүктүүр отчуота олунньу 5 күнүгэр Хонуу сэлиэнньэтигэр буолуоҕа.
Санатан эттэххэ, Бырабыыталыстыба оробуочай бөлөхтөрө өрөспүүбүлүкэ бары муниципальнай тэриллиилэригэр тиийэн сирэй көрсөн отчуоттааһыннара кулун тутар саҥатыгар Дьокуускайга түмүктэниэхтэрэ. Түмүк отчуот СӨ «Саха» НКиХ тэлэбиисэр уонна араадьыйа ханаалларынан тахсыахтара. СӨ Ил Дархана Айсен Николаев эрдэ бэлиэтээбитинэн, маннык сирэй көрсөн санаа атастаһыытын ньымата былаас уонна олохтоохтор ыккардыларыгар ыкса сибээһи олохтуурга, ордук ыраах сытар, уустук суоллаах нэһилиэнньэлээх пууннарга, наадалаах уонна туһалаах. Кини этэринэн, өрөспүүбүлүкэ үгүс олохтооҕо былаас бэрэстэбиитэллэрин кытта тыыннаах кэпсэтиини ордорор, ол нэһилиэнньэлээх пууннар сайдыыларыгар олохтоох дьон боппуруостарын быһаарыыга сыһыаннаах ыйытыылары дьүүллэһэргэ кыах биэрэр.
Үгэс быһыытынан отчуоттар кэмнэригэр өрөспүүбүлүкэ Бырабыыталыстыбатын чилиэннэрэ олохтоохтору кытта көрсүһүүлэргэ сыл устата ыыппыт үлэлэрин туһунан иһитиннэрэллэр, сэлиэнньэлэр уонна нэһилиэктэр сайдыыларын туһунан ыйытыыларга сиһилии хоруйдууллар, социальнай эйгэ эбийиэктэригэр сылдьаллар, гражданнар тус боппуруостарын көрүүнү тэрийэллэр. Интэриниэккэ бу аадырыһынан СӨ Бырабыыталыстыбатын 2025 сыллааҕы отчуотун официальнай саайта үлэлиир: https://otchet2025.sakha.gov.ru.
Арассыыйа Бэрэсидьиэнэ Владимир Путин эрдэ бэлиэтээбитинэн, судаарыстыбаннай былаас уорганнарын аһаҕас буолуута, олохтоохтору кытта сибээһи бөҕөргөтүүгэ судаарыстыба үлэтин көдьүүһүн биллэ үрдэтэр.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…
Олунньу 4–5 күннэригэр Москваҕа «Крокус Экспо» кииҥҥэ — гражданскай авиация устуоруйатыгар аан бастаан аэропорт уонна…