Хаартыска: Р.В. Самсонова тиксэриитэ.
Тыйыс айылҕалаах, тымныы кыһыннаах Саха сирин олохтоохторугар барыларыгар муораҕа баран туустаах ууга сөтүөлүүллэрэ кыаллыбат. Дьэ ол иһин араас тэрилтэлэр иитиллээччилэрин, үөрэнээччилэрин, үлэһиттэрин доруобуйатын тупсараары “туустаах хос” оҥоттороллор. Олортон биирдэстэринэн ковид дьаҥын кэмигэр Үөһээ Бүлүү улууһун Хоро оскуолатыгар аһыллыбыта.
Уопсайынан, “туустаах хоһу” доруобуйаны чөлүгэр түһэрэр соруктаах социальнай, үөрэх, доруобуйаны чэбдигирдэр тэрилтэлэр тэрийэллэр. Үөһээ Бүлүү улууһун Хоро оскуолатыгар, улуус үбүлээһинин көрөн, 2022 сыл кулун тутарыттан үлэлиир эбит.
Оскуола иитэр үлэҕэ дириэктэри солбуйааччы Розалия Самсонова: “Кэмпэндээйитээҕи туус хампаанньатын кытта сөбүлэҥ баттаһан, 2022 сыл кулун тутарыгар үлэҕэ киллэрбиппит. Саха сирин олохтоох тууһа – Кэмпэндээйи тууһа туһаныллар, туох баар аппараата барыта көрүллэр. Ковид кэнниттэн оҕолор, үлэһиттэр доруобуйаларын чөлүгэр түһэрэр, харыстыыр соруктаах тэрийбиппит. Үөһээ Бүлүү Д.С. Спиридонов аатынан 4-с нүөмэрдээх оскуолаҕа уонна биһиэхэ оҥорбуттара. Онон улууска маннык икки хос баар”, — диэн кэпсиир.
Хос олоччу туустан турар. Эркиннэриттэн көөрөттөн түспэтин курдук анал ньыманы туһаммыттар. Галогенераторга ыраастаммыт Кэмпэндээйи тууһун куталлар, онтон тахсыбыт туус паара эмтиир.
“Күҥҥэ ортотунан түөрт уонча мүнүүтэ олоруллар. Улахан дьон нэдиэлэ курдук сылдьабыт. Гигиеническэй иитиигэ исписэлиис (сиэстэрэ) кыраапык оҥорон, күһүн үөрэх дьыла аһыллыаҕыттан саҕалаан кылаастары, үлэһиттэри уочаратынан киллэртээн доруобуйабытын бөҕөргөтүнэбит. Маассабайдык, көтүппэккэ сылдьыы туһалаах. Чахчы көмөлөөҕө биллэр. Тыынар уоргаҥҥа олус үчүгэй. Баастаах, хроническай, бронхиальнай ыарыылара көбө сылдьар дьон киирбэттэр. Тымныйан баран саҥа үтүөрбүт дьоҥҥо көҥүллэммэт. Маны сиэстэрэ барытын хонтуруоллаан, көрөн-истэн киллэрэр”, — диэн иһитиннэрэр.
Хоро оскуолата күн бүгүн 158 үөрэнээччилээх, 74 үлэһиттээх. Тыа сиригэр бу курдук “туус хосторо” арыллан ковид охсуулаах кэмигэр, ыарыы да кэнниттэн үөрэнээччилэр, педагогтар доруобуйаларын бөҕөргөтөргө туһанан эрдэхтэрэ.
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…