Хаартыска - Елена Потоцкая.
Өлүөнэ муостата Арктика уустук усулуобуйатыгар тутуллар маннык сүҥкэн былааннаах тутуулаах аан дойдуга бастакы баараҕай тутуу буолар.
Муоста Транс-Сибиир уонна Байкал-Амур магистралын тырааныспар сүрүн инфраструктуратыгар Хотугу муора суолун кытта көдьүүстээх сибээһи хааччыйыаҕа. Итиэннэ «Лена» уонна «Халыма» федеральнай суоллары, «Бүлүү» трассатын кытта Арассыыйа илин өттүн Охотскай муора кытылын кытта ситимниэҕэ.
Онон бу тутууну Арассыыйа үгүс эрэгийэннэрэ өйүүллэр уонна көмөлөһөллөр. Тутуу дириэктэрэ Антон Крупнов бэлиэтииринэн, тутуу матырыйаалын Арассыыйа бары муннугуттан аҕаллылар.
— Арматура Комсомольск-на-Амуре куораттан кэллэ, оттон тимир конструкциялара Тюмень куоракка таҥыллаллар. Сорох матырыйааллары Дьокуускайтан бэйэтиттэн атыылаһабыт. Онон матырыйаал өттүнэн уустук боппуруос суох. Тустаах үбүлээһин оҥорон таһаарыы бырагырааматын былаанныырга, олоххо киллэрэргэ кыах баар. Билиҥҥи туругунан, хаҥас кытылга баар технологическай учаастакка 600-тэн тахса туонналаах тимир тутуу таҥылынна. Исписэлиистэр истиэнэ панелларын уонна анал турбалары таҥыыны саҕалаатылар, — диэн кэпсээтэ салайааччы.
Бүгүҥҥү күҥҥэ Өлүөнэ өрүс биэрэгэр муоста тутуутун сүрүн үлэтэ ыытыллар. Бары матырыйаал кыһыны быһа тиэллэн кэлэн, тутуу былаһааккаларыгар билигин үлэ күөстүү оргуйар.
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх…
Алдан улууһугар быраастар анал байыаннай дьайыы кыттыылааҕар осколочнай бааһырыы кэнниттэн төбөтүн уҥуоҕун чөлүгэр түһэрдилэр. Эпэрээссийэни…