Саха сиригэр тохсунньу 16 күнүгэр «Муравьев-Амурский 2030» диэн салайар каадырдары бэлэмниир бырагыраама алтыс түһүмэҕэ саҕаланыаҕа.
Бу алтыс түһүмэххэ судаарыстыбаннай салайар үлэҕэ коммуникация диэн тиэмэлээх. «ДИАЛОГ» тэрилтэ генеральнай дириэктэрэ Кирилл Истомин, Экэниэмикэ үрдүкү оскуолатын бэрэпэиэссэрэ Ольга Пескова, уо.д.а. эспиэр быһыытынан үлэлиэхтэрэ.
Курсаннары кытары бырагыраама настаабынньыга Айсен Николаев эмиэ үлэлиир. Онтон Ил Дархан, бырабыыталыстыба дьаһалтатын салайар хамаандата эрэгийиэн уратытын, үлэ хаамыытын туһунан билиһиннэриэхтэрэ.
—Бу түһүмэх – тургутан көрүү. Өрөспүүбүлүкэ тыйыс усулуобуйатыгар сөп түбэһиннэрэн, бытарҕан тымныыга ыытабыт. Манна аҥаардас үөрэтии, бырайыактары оҥоруу эрэ буолбакка, эрэгийиэн дьиҥнээх кыһалҕаларын быһаарыы, тэрилтэлэргэ сылдьыы, салайар хамаанданы кытары үлэлэһии буолар. Онон курсааннарга олус туһалаах бырагыраама, — диэн салайааччы Юлия Руденко кэпсээтэ.
Ону тэҥэ, «Муравьев-Амурский 2030» курсааннара былырыын ааспыт стажировкаларын түмүгүн таһаарыахтара.
Бырагыраама үөрэтэр түһүмэҕэ 2022 сыл ыам ыйыгар саҕаламмыта. Бастакы үс түһүмэххэ курсааннар Приморскай кыраайга, Камчаткаҕа уонна Сахалинскай уобаласка буолбута. Төрдүс түһүмэх Илиҥҥи экэнэмиичэскэй пуорумҥа, бэһис – Москваҕа буолбута.
Курсааннар 7 тиэмэҕэ ылсан үлэлииллэр: аччыгый авиация, туризм, бырамыысыланнай бэлиитикэ, о.д.а.
«Муравьев-Амурский 2030» бырагырааманы Уһук Илини сайыннарыы министиэристибэтэ уонна Уһук Илини, Аркиканы сайыннарыы корпорацията, СКОЛКОВО оскуолата, Уһук Илиннээҕи федеральнай университет тэрийсэллэр.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…