«Муравьев-Амурскай 2030» бырагыраама сайаапкалары тутар

Судаарыстыбаннай сулууспаҕа уонна Уһук Илини сайыннарыы институтугар каадырдары бэлэмниир «Муравьев-Амурскай 2030» бырагыраама үһүс  түһүмэҕэр  туттарсыы салҕанар. Сайаапкалары 2024 сыл кулун тутар 15 күнүгэр диэри туталлар.

Бырагыраама уратылара:

• Уһук Илиҥҥи эгийиэннэргэ бырайыактары сайыннарыыга академическай билиилэри уонна үлэ салаатыгар сөптөөх билиини биэрии;
• федеральнай уонна эрэгийиэннээҕи муниципальнай уорганнарга стажировкаланыы;
• үлэҕэ уһуйуу – үлэҕэ уопуттаах судаарыстыбаннай үлэһиттэр уопуттарын үллэстэллэр, үлэҕэ киирэргэ көмөлөһөллөр.

Бырагырааманы түмүктээбит эрдэтээҥҥи  түһүмэх  үөрэнээччилэрэ номнуо миниистир, миниистир солбуйааччыта, муниципальнай тэриллиилэр салайааччылара буолан үлэлии сылдьаллар, бастыҥ үрдүк үөрэх кыһаларыгар “Приоритет 3000” офистарын салайаллар.

«Муравьев-Амурскай 2030» бырагыраама бастакы  түһүмэҕэр Саха сириттэн үөрэммит Николай Бочков эрэгийиэн сыана бэлиитикэтигэр судаарыстыбаннай кэмитиэтин бэрэссэдээтэлинэн  үлэлии сылдьар, оттон Фаина Атласова сыана бэлиитикэтигэр судаарыстыбаннай кэмитиэт отделын   салайааччыта буолбута.

Иккис  түһүмэххэ  50 курсаан үөрэнэ сылдьар, олор истэригэр СӨ  Бырабыыталыстыбатын бэрэссэдээтэлин бастакы солбуйааччытын секретариатын салайааччыта Антон Артемьев  «Создание системы оперативного реагирования и ликвидации аварий ЖКХ в труднодоступных и удаленных населенных пунктах, организация развития бесперебойного электроснабжения» бырайыагы сайыннарар.  Айан Гаврильев «Модель увеличения потребления дальневосточного минтая в России» бырайыакка кыттар.

Сайаапкаҕытын 2024 сыл кулун тутар 15 күнүгэр диэри диэри саайтка биэриэххитин сөп: https://муравьевамурский-2030.рф/.