«Муравьев-Амурскай 2030» бырагыраама төрдүс түһүмэҕэр Саха сириттэн – биэс киһи

“Муравьев-Амурскай 2030” бырагыраама 2021 сылтан ситиһиилээхтик олоххо киирэн, бастакы үс түһүмэҕи 149 курсаан бүтэрбитэ.

Кинилэр бүгүн Уһук Илин 11 эрэгийиэнигэр – муниципальнай таһымтан саҕалаан, федеральнай структураларга тиийэ сүрүн дуоһунастарга үлэлииллэр. Кинилэр истэригэр миниистирдэр, губернатордары солбуйааччылар, биэдэмистибэлэр салайааччылара уонна эрэгийиэн сайдыытын тэрилтэлэрин салайааччылара бааллар.

“Муравьев-Амурскай 2030” бырагыраама төрдүс түһүмэҕэр биэс бэрэстэбиитэл кыттыыны ылла. Бырагыраама РФ Уһук Илиҥҥи федеральнай уокуругун уонна Арктика зонатын социальнай-экэнэмиичэскэй сайдыытын сүрүн хайысхаларыгар бырабыыталыстыба уорганнарыгар көдьүүстээх үлэҕэ үрдүк квалификациялаах исписэлиистэри бэлэмнииргэ туһуланар. Төрдүс түһүмэх ордук элбэх кыттааччыланна: биир миэстэҕэ 96 киһи. Саха сириттэн 5 киһини таллылар. Бу Хабаровскай кыраайы, Москваны, Приморскай кыраайы уонна Бурятияны кытта тэҥ көрдөрүү.

Саха сириттэн “Муравьев-Амурскай 2030” бырагыраама үөрэҕэр куонкуруһу аастылар:

— Айыына Алексеева, СӨ Үп министиэристибэтин юридическэй салаатын кылаабынай исписэлииһэ;

— Олеся Капитонова, Өлүөхүмэ улууһун кииннэммит  бухгалтерия управлениетын  сүрүннүүр юрист-исписэлииһэ;

— Саргылана Леонтьева, СӨ Үп министиэристибэтин оҥорон таһаарыы салаатын салаатын кылаабынай исписэлииһэ;

— Александра Никифорова, урбаанньыт;

— Марияанна Дягилева, «Муома улууһа» МТ дьаһалтатын салайааччытын социальнай боппуруостарга солбуйааччыта.

Сиһилии: https://www.sakha.gov.ru/news/5378 сигэҕэ.