Хаартыска: sakha.gov.ru
Уһук Илини сайыннарарга судаарыстыбаннай сулууспаҕа уонна институттарга каадыры бэлэмниир “Муравьев-Амурскай 2030” бырагыраама Сколково, Москватааҕы судаарыстыбаннай университет Азия уонна Африка дойдуларын институтун, Уһук Илиҥҥи федеральнай университет өйөбүллэринэн Уһук Илини уонна Арктиканы сайыннарар министиэристибэ Уһук Илини, Арктиканы сайыннарар корпорацияны кытта үлэлэтэр.
Бырагыраама үһүс түһүмэҕэр биир миэстэҕэ 80 киһи куонкурустаһар. Дойду бары 89 эрэгийиэниттэн сайаапка киирбит.
“Муравьев-Амурскай 2030” бырагыраама үһүс түһүмэҕэр Уһук Илин уокуруктан 35 кыттааччыны сүүмэрдээбиттэр, ол иһигэр Саха сириттэн үһүөлэр.
Госдуума бэрэссэдээтэлин солбуйааччы Ирина Яровая тыл этэригэр көлүөнэлэр солбуһууларын, омуктар түмсүүлэрин уонна сувереннай сайдыы, дьиэ кэргэн үгэстэрин, норуот итэҕэлин, харыстабыл туһунан тиэмэҕэ туһаайда.
“Икки түгэни бэлиэтиибин. Бастакытынан, саҥа сүүмэрдээһин курсаннарын кэккэлэригэр хас даҕаны анал байыаннай дьайыы кыттыылааҕа, биир «Хорсунун иһин» уордьанынан наҕараадаламмыт дьон бааллар. Иккиһинэн, курсаннар баһыйар улахан аҥаардара – Уһук Илин уокурук олохтоохторо. Бу сырыыга атын эрэгийиэн бэрэстэбиитэллэринээҕэр икки төгүл элбэхтэр. Сайаапка Арассыыйаттан барытыттан киирбитэ эрээри, Уһук Илин бөлөхтөннө, түмүлүннэ. Бу аата Уһук Илин сайдыыта, бастатан туран, дьоҥҥо сулууспалыан баҕарар Уһук Илин бэйэтин дьыалата буоларын көрдөрөр” – диэн Уһук Илини уонна Арктиканы сайыннарыы миниистирэ Алексей Чекунков бэлиэтээтэ.
17 курсант – судаарыстыбаннай сулууспалаах, атыттар араас эйгэ үлэһиттэрэ (энэргиэтикэ, урбанистика, үөрэх, мэдиссиинэ, успуорт, үп, инвестиция). Орто саас – 30. Бырагыраама түөрт курсана – элбэх оҕолоох төрөппүт. Салгыы манна аах.
Ил Дархан уонна Бырабыыталыстыба пресс-сулууспата.
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…