Сахагов
“Муравьев-Амурский 2030” бырагыраама Уһук Илин уонна Арктика судаарыстыбаннай сулууспатыгар уонна сайдыыга институттарыгар салайар каадырдары бэлэмнээһиҥҥэ куонкуруһугар Саха сириттэн 174 сайаапка киирдэ.
Куонкуруска уопсайа 5311 киһи кытынна – бу 15 % былырыыҥҥытааҕар элбэх. Арассыыйа Федерациятын 89 субъегыттан сайаапкалар киирбиттэр.
“Уһук Илиҥҥэ уонна Арктикаҕа сулууспалыахтарын баҕалаахтар ахсааннара сыллата улаатан иһэрэ бу бырагыраамаҕа итэҕэйэллэрин көрдөрөр. Биһиги сыалбыт – кыттааччыларга дойдубут инники сайдыытын туһугар кыаҕы биэрии”, — диэн бэлиэтээтэ РФ Уһук Илин уонна Арктика сайдыыларыгар мини истирэ Алексей Чекунков.
Кини бырагырааманы инники бүтэрбиттэр саамай уустук ыҥырыыларга хоруйдуур кыахтаахтарын көрдөрбүттэрин бэлиэтээтэ. Ол иһин бу исписэлиистэр эрэгийиэннэр социальнай-экэнэмиичэскэй сайдыыларыгар үлэлииргэ анаммыттар.
Бырагыраамаҕа сүүмэрдээһин түмүгүнэн 65 итэҕэһэ суох киһи үөрэххэ ылыллыаҕа. Кинилэр биир сыл үөрэниэхтэрэ. Бырагыраама судаарыстыбаннай салайыы, история уонна востоковедение эйгэлэригэр теорияны билиэхтэрэ уонна быраактыкаланыахтара. Ол курдук, салайыы үс таһымыгар стажированы ааһыахтара.
Санаттахха, “Муравьёв-Амурский 2030” бырайыагы Уһук Илини уонна Арктиканы сайыннарыыга министиэристибэтэ “Корпорация развития Дальнего Востока и Арктики” АУо-ны кытта олоххо киллэрэллэр. “Сколково” салайыы оскуолата, Уһук Илиннээҕи федеральнай университет уонна МГУ Азия уонна Африка дойдуларын институтун эспиэрдэрин өйөбүллэринэн ыытыллар.
2022 сыллаахха бастакы сүүмэрдээһин ыытыллан, биир миэстэҕэ 50 киһи киирсибитэ. Бырагырааманы бүтэрбиттэр Уһук Илин эрэгийиэннэригэр үрдүк пуостарга үлэлииллэр. Билигин 53 устудьуон үөрэнэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…