Хаартыска: sakha.gov.ru
“Муравьев-Амурский 2030” судаарыстыбаннай сулууспаҕа салайар каадырдары бэлэмнээһин бырагырааматын төрдүс түһүмэҕэр кыттыыга сайаапкалары ылыы саҕаланна.
Сайаапканы https://муравьевамурский-2030.рф/ саайтка биэриэххэ сөп. Сайаапкалары бу сыл кулун тутар 17 күнүгэр диэри тутуохтара. Бырагыраамаҕа 21-тэн 35 диэри саастаах Арассыыйа Федерациятын гражданнара кыттыахтарын сөп.
“Муравьев-Амурский 2030” бырагыраамаҕа үөрэнии босхо, салгыы Уһук Илин уонна Арктика зонатыгар үлэҕэ киириэххэ сөп. Бырагыраама кэмигэр Уһук Илин федеральнай уокуругун судаарыстыбаннай структураларын уонна эрэгийиэннэрин үлэтигэр толору кыттаҕын.
Бырагыраама бастакы иккис ботуогун түмүгүнэн 96 курсант үөрэҕин ситиһиилээхтик түмүктээтэ.
Бырагырааманы бүтэрбиттэр эрэгийиэн бырабыыталыстыбаларын миниистирдэрин, миниистири солбуйааччыларын , муниципалитеттар баһылыктарын солбуйааччыларын, сайдыы институттарын салайааччыларын дуоһунастарыгар ананнылар. Билигин үһүс түһүмэххэ 52 киһи үөрэнэр. Түмүгэр бырагырааманы бүтэрээччилэр Сколково салайыыга оскуолатыттан идэҕэ хаттаан бэлэмнэниилэрин туһунан диплому ылаллар, ону тэҥэ судаарыстыбаннай сулууспа каадырдарын испииһэгэр киллэриллэллэр.
Бэлэмнэнии бырагырааматын уһуна 1 сылга тэҥнэһэр уонна Уһук Илин, Арктика, Москва уонна КНӨ норуоттар икки ардыларынааҕы модулун 9 модулуттан турар.
Былырыын Уһук Илиҥҥи федеральнай уокурукка “Муравьев-Амурский 2030” эрэгийиэннэрин гос салайааччы буолуохтаах дьонун иккис түһүмэҕэ бүтэрбитэ. Ону бүтэрбиттэр ортолоругар – Саха сирин икки бэрэстэбиитэлэ: өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Сэкирэтэрийээтин салайааччыта Антон Артемьев уонна Айан Гаврильев бааллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…