«Муравьев-Амурский 2030» бырагыраама
Уһук Илин уонна Арктика судаарыстыбаннай сулууспатыгар уонна сайдыы институттарыгар анаан каадыры бэлэмниир «Муравьев-Амурский — 2030» бырагыраама V түһүмэҕэр сүүмэрдээһин саҕаланна.
Ураты үөрэх бырагыраамата дойдубут икки геостратегическай эрэгийиэнигэр идэтийбит салайар хамаанданы бэлэмниир сыаллаах 2022 сылтан олоххо киирэр.
«Муравьев-Амурский — 2030» бырагырааманы Арассыыйа Уһук Илин сайдыытын министиэристибэтэ уонна Уһук Илин уонна Арктика сайдыытын корпорацията (УИАСК) тэрийэллэр. Үөрэх биир сыл устата барар, бырайыак үлэтин уонна уһуйааччылары кытта ыкса алтыһыыны киллэрэр. Куонкуруһунан сүүмэрдээһиҥҥэ 21-тэн 35-гэр диэри саастаах, үрдүк үөрэхтээх, идэтинэн 2 сылтан итэҕэһэ суох үлэ уопуттаах Арассыыйа гражданнара кыттыахтарын сөп.
«Муравьев-Амурский 2030» бырагыраамаҕа сайаапканы муравьевамурский-2030.рф саайтка кулун тутар 16 күнүгэр диэри биэриэххэ сөп.
V түһүмэххэ 65-кэ диэри миэстэ көрүллүбүт. Бырагыраама статуһа үрдээн иһэр – 2025 сыллаахха куонкурус биир миэстэҕэ 96 киһи буолбута. Саҥа V түһүмэх үөрэх модуллара Приморскай кыраайга, Архангельскай уобаласка, Камчатка кыраайыгар, Хабаровскай кыраайга, Еврейскай автономиялаах уобалаһыгар, Магадан уобалаһыгар уонна Сахалин уобалаһыгар ыытыллыахтара. Ону таһынан, кыттааччылары Кытайга аан дойдутааҕы стажировка күүтэр.
РФ Бырабыыталыстыбатын Бэрэссэдээтэлин солбуйааччы – АФ Бэрэсидьиэнин Уһук Илиннээҕи федеральнай уокурукка боломуочуйалаах бэрэстэбиитэлэ Юрий Трутнев эппитинэн, «Муравьев-Амурский 2030» бырагыраама тыҥааһыннаах күрэстэһии уонна уустук геополитическай балаһыанньа усулуобуйатыгар Арассыыйа бигэ экэнэмиичэскэй үүнүүтүн хааччыйыахтаах салайааччылар саҥа көлүөнэлэрин бэлэмнииргэ аналлаах.
СӨ Ил Дархана Айсен Николаев саҥа түһүмэх саҕаламмытын суолтатын бэлиэтээтэ, бырагыраама олус наадалааҕын уонна ирдэнэрин эттэ.
«Бэрэсидьиэн Владимир Путин өйөбүлүнэн бырагыраама салгыы сайдан иһэр», – диэн Айсен Николаев эттэ. Сиһилии: https://www.sakha.gov.ru/news/19680
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…
Кулун тутар ыйыгар киинэ тыйаатырдарыгар «Олох түгэннэрэ» киинэ тахсыаҕа. Бу киинэ биллэр сериал түмүктүүр чааһа…