Хаартыска: sakha.gov.ru
Диана Посельская «Сюрприз» бэстибээлгэ кыайыылаҕынан тахсан, Казань куоракка «Поволжье Куубага» VI норуоттар икки ардыларынааҕы хореографическай куонкурус-бэстибээл лауреатынан буолбута.
Ити кэннэ былырыын сэтинньи ыйга Санкт-Петербург куоракка «Призвание — Артист» диэн норуоттар икки ардыларынааҕы бэстибээл-куонкуруска кыттан, «Магия на сцене» номинацияҕа анал диплому ылбыта. Быйыл саас Кытайга аан дойдутааҕы бэстибээлгэ кыттара былааннанар.
Талааннаах хореограф «Стороною дождь» үлэтэ 2023 сыллаахха «Муус устар» бэстибээл чэрчитинэн «Созвездие танца» куонкуруска кыайбыта. Бэстибээл бастыҥынан билиниллибит туруоруутун идиэйэтэ ырыа мелодиятыттан айыллан тахсыбыта.
«Бу композиция миигин олус умсугутара, онон төбөбөр уобарастары ойуулаан көрөн, үҥкүүнэн олоххо киллэрбитим«, — диэн кини санаатын үллэстэр. Бу туруорууга Александра Тирская сүҥкэн оруолу оонньообута, туруоруллубут соругу олус үчүгэйдик толорбута.
Диана бэстибээл кыттыылаахтарыгар баҕа санаатын тиэрдэр: «Тохтоомоҥ, үөрэниҥ уонна сайдыҥ. Тохтоло суох үлэ — бу ситиһиилээх айымньы мэктиэтэ! «Муус Устар» биһиэхэ үчүгэй былаһаакканан буолбута. Артыыстарга олус улахан суолталаах көрөөччүлэртэн сүдү энергияны ылбыппыт!».
Быйыл «Муус Устар» бэһис төгүлүн ыытыллыаҕа. Ыччат бэстибээлин тэрээһиннэрэ номнуо өрөспүүбүлүкэ үрдүнэн саҕаламмыттара. Финальнай шоу кулун тутар 22 күнүгэр «Триумф» успуорт уораҕайыгар буолуо.
«Муус устар» ыччат бэстибээлэ Саха сиригэр 2021 сылтан тэриллэн ыытыллар. Дойду Бэрэсидьиэнэ Владимир Путин бэлиэтээбитинэн, киэҥ далааһыннаах пуоруму ыытыы Саха сирин култуурунай, уопсастыбаннай олоҕор үтүө үгэскэ кубулуйда. Бэстибээл ыччаты түмэр, айар үлэ араас эйгэтигэр талааннарын арыйарга көмөлөһөр.
Олунньу 6-9 күннэригэр Дьокуускай куоракка волейболга дьахталлар хамаандаларын икки ардыгар чөмпүйэнээт ыытыллыа. Бу туһунан СӨ…
"Муус устар" ыччат бэстибээлин 2024 сыллааҕы "Лучший молодой автор туристического сувенира" хайысха кыттааччыта, Мэҥэ Хаҥалас…
Бу сылга Саха сиригэр култуура аҕыс эбийиэгин үлэҕэ киллэрэри былаанныыллар. Эбийиэктэр улуустарга уонна Дьокуускай куоракка…
Уһук Илин Федеральнай уокурук 11 эрэгийиэнин суруналыыстарыгар аналлаах куонкурус аан бастакытын ыытыллар. Айылҕа харыстабылыгар сыһыаннаах…
Нерюнгри оройуонугар Айсен Николаев Олоҥхо ыһыаҕар бэлэмнэниигэ анаан көһө сылдьар мунньаҕы тэрийэн ыытта. Өрөспүүбүлүкэ таһымнаах…
Горнай улууһун киинигэр Бэрдьигэстээххэ бырабыыталыстыба отчуотугар олохтоохтор араас хабааннаах ыйытыылары биэрдилэр. Байыаннай дьайыы кыттыылааҕын ийэтин…