Хаартыска: СИА.
Муус устар 8 күнүгэр Дьокуускайга Сэбиэскэй Сойуус Дьоруойа, бэйиэт Муса Джалиль бүүһүгэр сибэкки дьөрбөтүн уурдулар. Дьокуускайга татаардар дэлэгээссийэлэрэ кэлэ сылдьар, кинилэр аатырбыт бэйиэттэригэр сүгүрүйэн аастылар.
Бэс ыйыгар Саха сиригэр федеральнай таһымнаах Сабантуй бырааһынньыга ыытыллыахтаах. Онно бэлэмнэнэн, Аан дойдутааҕы татаардар кэнгириэстэрин дэлэгээссийэтэ, Национальнай Сэбиэт бэрэссэдээтэлин солбуйааччы Данис Шакиров кэлэн, үлэлээтилэр.
Аҕыйах сыллааҕыта Дьокуускайга Киров-Горькай уулуссаларын быһа охсуһуутугар Казанскай искибиэр тутуллубута, онно бэйиэт Муса Джалиль бүүһүн туруорбуттара.
— Дьокуускай килбэйэр киинигэр, тэбэр сүрэҕэр турбут, татаарга аналлаах бастакы бюст буолар. Дьокуускайга кэлбит хас биирдии татаар киһитэ бу улуу киһибитигэр кэлэн, сүгүрүйэн ааһар. Кыайыы 80 сылын көрсө татаар уонна саха норуоттара биир төрүттээхпитин уонна биир ньыгыл сэбиэскэй норуот буолан, дойдубут туһугар бары бииргэ туруулаһар кыахтаахпытын бэлиэтиир курдук, — диэн Шакиров эттэ.
«Туган як» татаар култууратын киинин акытбыыһа Тахир Хуснутдинов дьоруой-бэйиэт хоһоонугар ырыаны татаардыы уонна сахалыы ыллаан иһитиннэрдэ.
Өксөкүлээх аатынан Норуоттар доҕордоһууларын дьиэтин дириэктэрэ Антонида Корякина Казанскай искибиэр татаар уонна саха норуоттарын доҕордоһууларын бэлиэтэ буолар диэн эттэ. Кыайыы 80 сылыгар сэбиэскэй норуот дьоруойдуу быһыыта умнуллуо суохтаах.
Кытайга V Шанхайдааҕы норуоттар икки ардыларынааҕы хордар бэстибээлин «Хор сүрэҕэ» куонкурус түмүктэннэ. Арассыыйа чиэһин көмүскээбит…
«Арыгы састааба суох пиибэ утаҕы иһэрдиигэ билиһиннэрии экскурсиятын оҥоробут», - диэн биллэрии ФАПК "Якутия" тэрилтэ…
«Баклан көтөрдөр балыктаах күөллэрбит экосистематын алдьатыахтарын сөп», - диэн учуонайдар сэрэтэллэр. Бу көтөрдөр тыһыынчанан эбэтэр икки…
Дьокуускайга полиция үлэһиттэрэ куортамнаабыт кыбартыыраттан уоран икки тэлэбиисэри атыылаабыт 28 саастаах эр киһини туппуттар. 33…
Үүнээйи сибэккилэммэт буоллаҕына, оҕуруотчуттар олус туһалаах уонна судургу суурадаһыны оҥорон кутаргытыгар сүбэлииллэр. «Бу суурадаһынан үүнээйини…
Саха сиригэр сааскы халаан иккис долгуна салҕанар. Уу ресурсаларын федеральнай ааҕыныстыбатын Өлүөнэтээҕи бассейновай управление салайааччыта…