Мууһу хараардар үлэлэр ыытыллаллар

Саха сиригэр халааны утары былааннаах тэрээһиннэр бара тураллар, олортон биир саамай сүрүннэрэ мууһу хараардыы буолар.

Өлүөнэ өрүс тардыытын ууга управлениетыгар иһитиннэрбиттэринэн, үлэ Ленскэй, Өлүөхүмэ, Хаҥалас улуустарыгар түмүктэннэ. Дьокуускайга, Намҥа, Кэбээйигэ, Орто Халымаҕа, Үөһээ Халымаҕа былаан быһыытынан бара турар.

“Өлүөнэ уонна Халыма өрүстэргэ 485 гектартан 192-тэ хараардылынна, ити былаантан 40 бырыһыаны ылар. Алдан, Амма, Ньүүйэ, Токко өрүстэргэ 212,8 гектартан 104,80 гектар эмиэ хараардылынна, ити былааннаммыт иэнтэн 49 бырыһыаны ылар”, — диэн кэпсээтэ управление салайааччыта Петр Аргунов.

Ыйыллыбыт дьаһаллар халаан уутун содулун аччатарга, нэһилиэнньэни ууттан көмүскүүргэ туһуланаллар, диэн иһитиннэрэр Ил Дархан, бырабыыталыстыба пресс-сулууспата.