Өлүөнэ өрүскэ Табаҕа тумулун аннынан харыы тахсыан сөптөөх сиригэр мууһу кэбирэтэр үлэлэр ыытыллаллар
Саха сиригэр саас кэлэн аны халаан кыһалҕатын боппуруоһа турда. Онуоха быйыл сөҥүү элбэхтик түһэн, киһи эрэ бары угут дьылы, улахан мотуогу билгэлиир. Тустаах үлэһиттэр, тэрилтэлэр ол иһин харыы тахсар сирдэригэр мууһу кэбирэтии үлэтин ыыталлар. Ыксаллаах быһыы-майгы тахсар түгэнигэр дьаһаныы туһунан ууга барыан сөптөөх нэһилиэктэргэ сэрэтэр үлэни ыыталлар.
Оттон биһиги чугастыы, Өлүөнэ өрүскэ Табаҕа тумулун аннынан харыы тахсыан сөптөөх сиригэр мууһу кэбирэтэр үлэлэр хайдах баран иһэллэрин билистибит. Манна мууһу хараардыы үлэтэ барар. Хаҥалас тумулун аннынан мэлдьи харар сиринэн мууһу эрбээһин үлэтэ ыытыллар. Нам улууһугар эмиэ сорох сиринэн эрбээһин, сороҕор хараардыы барар.
Ааспыкка суруйбуппут курдук, быйыл саас хаар элбэхтик уонна хойуутук түһэн, үлэ хойутаан саҕаланна. Билиҥҥи туругунан, муус хаар араҥатыттан ыраастанан, таас чох быылын кута сылдьаллар уонна муус эрбээһинэ ыытыллар.
Күн уота чох быылын сылытан, муус түргэнник уулларыгар көмөлөһүө, ол өрүс эстэр кэмигэр төһүү буолуо.
Маннык мууһу кэбирэтии үлэлэрэ ыытыллыбыттара 20-чэ сыл буолла уонна кэтээн көрүү түмүгүнэн олус көдьүүстээхтэрэ бэлиэтэнэр. Уу ресурсаларын федеральнай ааҕыныстыбатын Өлүөнэ тардыытынааҕы уу салалтата уонна «Ленарегионводхоз» филиала мууһу кэбирэтии үлэтин былааннаахтык ыыталлар.
Быйыл мууһу кэбирэтии үлэтигэр 45 мөл. солк. кэриҥэ үп көрүллүбүтэ, эрэгийиэн ураты усулуобуйатын өйдөөн, федеральнай бүддьүөттэн үп кэлиитэ сыл аайы балачча улаатар.
«Ленарегионводхоз» филиалын дириэктэрин солбуйааччы Николай Портнягин үлэ хаамыытын туһунан маннык кэпсээтэ:
– Муус устар 25 күнүнээҕи туругунан, Өлүөнэ өрүскэ Ленскэй уонна Өлүөхүмэ оройуоннарга мууһу кэбирэтии үлэтэ бүппүтэ. Халыма өрүскэ Үөһээ Халыма уонна Орто Халыма оройуоннарыгар эмиэ барыта бэлэм. Өлүөнэ өрүскэ Хаҥалас, Нам, Кэбээйи улуустарыгар итиэннэ Дьокуускай куорат учаастактарыгар үлэ бүтэн эрэр.
Бүгүҥҥү күҥҥэ мууһу хараардыы үлэтиттэн былааннаах 485 гааттан 353 га оҥоһулунна. Мууһу кэрбээһин үлэтэ былааннаах 41 км-тэн 35 км оҥоһулунна. Сааскы халааҥҥа бэлэмнэниинэн мууһу кэбирэтии үлэтэ бу күннэргэ бүтүөхтээх.
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…