Муус барыытын онлайн көрүөххэ сөп
03.05.2023, 13:15
Хаартыска: Андрей Сорокин, СИА.
Бөлөххө киир:
Саха сиригэр Өлүөнэ уонна Халыма өрүстэргэ муус барарын онлайн кэтээн көрөөрү 11 нэһилиэнньэлээх пууҥҥа видеокамералары туруорбуттар.
«АрктикТелеком» уонна «Ростелеком» видеонан кэтээн көрүү систиэмэтин оператордара Өлүөнэ уонна Халыма өрүстэр туруктарын көрүөхтэрэ.
Өлүөнэ өрүскэ видеокамералар Ленскэйгэ, Өлүөхүмэҕэ, Сангаарга, Тиит Арыыга, Улахан Ааҥҥа, Булгунньахтаахха, Үөһээ Бэстээххэ, Мохсоҕоллооххо, Покровскайга уонна Табаҕа тумулугар тураллар.
Халыма өрүскэ камера Үөһээ Халыма улууһун Зырянка бөһүөлэгэр баар.
Муус барыытын өрөспүүбүлүкэ информационнай порталыгар онлайн көрүөххэ сөп. Бу туһунан СИА суруйар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: