Муус хамсааһына быйыл арыый эрдэ саҕаланара билгэлэнэр

Саха сиригэр сааскы халаан уутун көрсө кутталлаах учаастактарга мууһу хараардыы, эрбээһин үлэлэрэ саҕаламмыттар. Бу туһунан Ил Дархан Айсен Николаев “Саха сирэ, иннибит диэки!” быһа биэриигэ кэпсээтэ.

“Сүрүннээн муус хамсааһына быйыл холкутук ааһара билгэлэнэр. Муус халыҥа ортотунан урукку сылларга кээмэйдэммит нуормаҕа тэҥнэһэр, сорох сиринэн орто көрдөрүүттэн чараас. «Росгидромет» сулууспа билгэтинэн, быйыл муус хамсааһына арыый эрдэ саҕаланара күүтүллэр”, — диэтэ Ил Дархан Айсен Николаев.