Хаартыска: СИА, Андрей Сорокин түһэриитэ
Бырабыыталыстыба бэрэссэдээтэлин бастакы солбуйааччы Дмитрий Садовников бүгүн сарсыарда халаан балаһыанньатын билиһиннэрдэ.
— Өлүөнэ өрүс мууһун аллараа кирбиитэ Хаҥалас улууһугар Иһит нэһилиэгэр таһынан баар. Бэҕэһээ манна муус хамсаата. Бүгүн сарсыарда Кытыл Дьураанан муус хойуутук устар. Покровскай уонна Дьокуускай куораттарга муус устуута 14-18 күннэригэр, Нам улууһугар 18-20 күннэригэр күүтүллэр.
Бэҕэһээ Өлүөхүмэ куораттан 7 км тэйиччи турар Селиванов учаастагар дэлби тэптэрии үлэтин ыыттылар. Бу түмүгэр муус харыыта төлө баран, муус салгыы хамсаата. Ол эрээри Өлүөхүмэ улууһугар аны Витим өрүс мууһа хамсаан, уу таһыма эбии үрдээтэ. Билигин халаан уутугар 1-кы уонна 2-с Нөөрүктээйи уонна Кыыллаах нэһилиэктэрэ ылларан олороллор. Бу нэһилиэктэргэ дьону быстах кэмҥэ олордор пууннар үлэлииллэр. Куттала суох сиргэ 379 киһи, ол иһигэр 55 оҕо көһөрүлүннэ. 109 тиэргэн ууга барда, ол иһигэр — 89 олорор дьиэ. Өлүөхүмэ улууһугар халаантан эмсэҕэлээччилэргэ көмө, өйөбүл оҥорууга бары туһааннаах үлэ ыытыллар, — диэн бэлиэтээтэ Дмитрий Садовников сарсыардааҥҥы брифиҥҥэ.
«Бэҕэһээ бөртөлүөтүнэн 27 киһини эвакуациялаабыттара. Сүрүннээн эр дьон сүөһүлэрин көрөллөрүн быһыытынан хаалбыттара. 1-кы Нөөрүктээйигэ балаһыанньа уустук — уу турар», диэн Өлүөхүмэ улууһун баһылыгын социальнай боппуруостарга солбуйааччы Оксана Саввинова «Тэтим» араадьыйаҕа сырдатта.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…