Муус Кангаласка тиийдэ

Ыам ыйын 15 күнүгэр сарсыарда 8 чаастаах иһитиннэриинэн, Өлүөнэ өрүс мууһа Кангаласка тиийбит. Ити туһунан Дьокуускай куорат дьаһалтатын телеграм ханаалыгар иһитиннэрэллэр.  

Табаҕаҕа – муус хойуу, уу таһыма 627 см. тахсыбыт (кутталлаах таһым 970 см), 4 чаас устата 27 см эбиллибит.

Пригороднайга – муус сэдэх, уу таһыма 645 см тахсыбыт (кутталлаах таһым 1000 см), 4 чаас устата  132 см эбиллибит.

Дьокуускайга – муус хойуу, уу таһыма 419 см, (кутталлаах таһым 827 см), 4 чаас устата 68 см эбиллибит.

Кангалас – муус хойуу, уу таһыма 579 см (кутталлаах таһым 1000 см), 4 чаас устата 115 см эбиллибит.

Күөх Хонууга уу 500 см, Дарыклаахха 580 см таҕыстаҕына уу сири ылар диэн санаталлар.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!