«Кыһын Саха Сириттэн саҕаланар» бэстибээл чэрчитинэн «Саха сирин бриллианнара» муус уонна хаар оҥоһуктарга кыайыылаахтар уонна призердар ааттара дорҕооннохтук ааттанна.
Быйыл норуоттар икки ардыларынааҕы куонкуруска 20 хамаанда кыттыыны ылла.
Хаартыска — Елена Потоцкая түһэриитэ.
Бастакы миэстэҕэ Дьокуускай куораттан Роман Шадрин уонна Николай Колодезников «Рок» хамаандата «Сулус сыдьаайыыта» композициятынан, хаар оҥоһуктарга Монголияттан Алтанбагана Улзийбаяр «Strongmen» хамаандата «Дьол» үлэтинэн таҕыстылар. Муус оҥоһуктарга бастакы миэстэни Мэҥэ Хаҥалас улууһун уустара Архип Скрябин «Чолбон» хамаандата уонна Үөһээ Бүлүү улууһуттан Николай Петров «Аан дойду портала» үлэлэрэ бэлиэтэннилэр. Кыайыылаахтарга бириистэри уонна Кубоктары Дьокуускай куорат баһылыга Евгений Григорьев туттарда.
Бу тэрээһиҥҥэ 2016 сылтан араас омук дьоно олус сөбүлээн кыттар. Бу суолталаах тэрээһин бэстибээл бырагырааматыгар биир бастакынан киирбитэ. Быйыл норуоттар икки ардыларынааҕы «Саха сирин бриллианнара» муус уонна хаар оҥоһуктарга күрэстэһиигэ Арассыыйа эрэгийиэннэриттэн, Кытайтан уонна Монголияттан кэлэн кытыннылар.
Хаартыскаҕа Елена Потоцкая түһэриитэ.
«Кыһын Саха сириттэн саҕаланар» кыһыҥҥы туризм бэстибээлин туһунан «Саха сирэ» хаһыат чэппиэрдээҕи нүөмэригэр ааҕыҥ.
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…