Хаартыска: PxHere
Муус устар 1 күнүттэн судаарыстыбаннай өҥө (Госуслуги) порталын нөҥүө маҥнайгы кылааска киирэр оҕолор төрөпүттэриттэн сайабылыанньалары ылыы бастакы түһүмэҕэ саҕаланыаҕа.
Төрөппүттэр сайабылыанньаны түргэнник, уустуга суох ыыталларын туһугар Үөрэх уонна билим министиэристибэтэ сиһилии, хас биирдии хардыыта суруллубут ыйынньыгы таһаарда.
Ыйынньыкка сайабылыанньа биэрэргэ ханнык докумуоннар ирдэнэллэрэ, сайабылыанньаны толоруу, кимнээх бастакы уочарат киирэллэрэ (льготное зачисление), сайабылыанньаны ыытыы болдьоҕо, о.д.а. иһитиннэрии киирдэ. Быйылгы саҥаны киллэриинэн, оҕолорун оскуолаҕа киллэрэргэ сөбүлэҥи биэрбит чэпчэтиинэн туһанар төрөппүттэр сайабылыанньаларын харатын (черновик), оскуолаҕа сурутуу саҕаланна да тута (возможность отложенной/автоматической отправки черновика) ыытар кыахтарын тэрийии буолла.
“Судаарыстыбаннай өҥө” (“Госуслуги”) портал нөҥүө сайабылыанньаны туттары, үөрэх тэрилтэтигэр миэстэтигэр тиийэн биэриэхтээҕэр бириэмэни лаппа кэмчилиир диэн ыйаллар. Бу билиҥҥи курдук бириэмэ кырыымчык кэмигэр, оҕотун оскуолаҕа киллэриигэ бэлэмнэнэр дьиэ кэргэҥҥэ үчүгэй кыах.
Онон төрөппүттэр ыйынньыгы сиһилии ааҕан баран сайабылыанньаны ыытаргытыгар сүбэлииллэр. Бу туһунан Үөрэх уонна билим министиэристибэтэ иһитиннэрэр. Сиһилии манна ааҕыҥ.
Бүгүн Бүтүн Арассыыйатааҕы судаарыстыбаннай тэлэбиидэнньэ, араадьыйа уонна интэриниэт биэриилэрин ыытар хампаанньа (ВГТРК) Саха сиринээҕи филиала…
Бүгүн, кулун тутар 14 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Госдуумаҕа кулун тутар 18 күнүгэр бастакы ааҕыыга бэйдиэ сылдьар кыыллар дьоҥҥо саба түһүүлэриттэн көмүскүүр сокуон…
Саха сиринээҕи Силиэстийэлиир кэмитиэтин Дьокуускай куорат силиэстийэлиир отдела 51 саастаах эр киһи киһини өлөрө сатаабыт…
Кулун тутар 14 күнэ – Дьэбдьиэкэйэп күнэ (Дьыл оҕуһун көхсө сууллар). Күнүһүн сылыйан, ириэһин саҕаланар.…
Бүгүн, кулун тутар 14 күнүгэр, Саха сиригэр сөҥүүтэ суох, хоту улуустарынан буурҕа түһэр, күнүс салгын…