Муус устар 1 күнүттэн маҥнайгы кылааска суруттарыы саҕаланар

Дьокуускайга муус устар 1 күнүттэн оҕолору маҥнайгы кылааска суруттарыы саҕаланар.

Бу туһунан кулун тутар 24 күнүгэр Дьокуускай  куорат дьаһалтатын сүбэ мунньаҕар иһитиннэрдилэр.

«Быйыл оскуолаҕа оҕо уһуйаанын 5050-ча выпускнига барыаҕа. Ону таһынан, быһа холоон, 450 оҕо атын оройуоннартан кэлэллэрэ күүтүллэр», — диэн киин куорат дьаһалтатыгар кэпсээтилэр.

Ол түмүгэр саҥа үөрэх дьылыгар маҥнайгы кылааска 5500 кэриҥэ үөрэнээччини үөрэххэ ылаллара былааннанар.