Муус устар 1 күнүттэн Саха сиригэр 30 732 киһиэхэ социальнай биэнсийэлэрэ 7,5% үрдүөҕэ. Социальнай биэнсийэлэри үрдэтии кээмэйэ дойду Бырабыыталыстыбатынан ааспыт сылга биэнсийэлээх тиийинэн олоруу алын кээмэйин улаатыннарыы тэтиминэн бигэргэтиллэр.
Бу туһунан Арассыыйатааҕы социальнай пуонда Саха сиринээҕи салаатын пресс-сулууспата иһитиннэрэр. Маннык төлөбүрүнэн инбэлииттэр, көрөр-истэр дьоно суох хаалбыт оҕолор, биэнсийэ баалын ситэри хаһаамматах дьон туһаныахтара. Индексацияламмыт социальнай төлөбүрүнэн страховой биэнсийэҕэ ыстаастара тиийбэт дьон, страховой ыстаастара тиийбэт инбэлиит дьон уонна оҕолор, 18 саастарыгар диэри оҕолор уонна 23 саастарыгар диэри биир эбэтэр төрөппүттэрин иккиэннэрин сүтэрбит устудьуон ыччат, олохтон барбыт соҕотох ийэ оҕолоро эбэтэр төрөппүттэрэ кимнээҕэ биллибэт оҕолор туһаныахтара.
Ону таһынан муус устар 1 күнүттэн гражданнар туспа категорияларынан биэнсийэнэн хааччыйыы кээмэйэ 7,5 %-нан улаатыаҕа. Ол иһигэр байыаннай уонна баҕа өттүнэн сулууспалааччылар, кинилэр дьиэ кэргэттэрин, Аҕа дойду Улуу сэриитин кыттыылаахтарын, радиационнай эбэтэр технологическай быһылаан түмүгэр эмсэҕэлээбит дьон биэнсийэлэрэ улаатыаҕа.
Үлэлээбэт биэнсийэлээхтэргэ өрөспүүбүлүкэҕэ тиийинэн олоруу алын кээмэйиттэн намыһах социальнай биэнсийэ кээмэйиттэн гражданин олорор сириттэн эмиэ тутулуктаах анал эрэгийиэннээҕи эбии төлөбүрү ылыахтара. Бу социальнай эбии төлөбүр Саха сиринээҕи социальнай көмүскэл уорганнарыгар ананар. Манна туһааннаах сайабылыанньа биэрэр ирдэммэт.
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…
Саха сиригэр физическэй култуура уонна успуорт сайдыытыгар, хаачыстыба өттүнэн үрдүк кэрдиискэ тахсарыгар кылгас олоҕун анаабыт…
Бу күннэргэ Горнай улууһун Бэрдьигэстээх сэлиэнньэлэрин түөлбэлэрэ сыл устата ыытыллар күрэстэр чэрчилэринэн, өбүгэ саҕаттан оонньонор…