Муус устар 1 күнүттэн социальнай биэнсийэни үрдэтии бигэргэннэ

Үлэ министиэристибэтэ муус устар 1 күнүттэн социальнай биэнсийэни индексациялыыр туһунан уурааҕы таһаарда.

Докумуон нуормалыыр-быраап аахталарын бырайыактарын федеральнай порталыгар таҕыста. Уураахха суруллубутунан, индексация кээмэйэ 14,75% (коэффициент 1,1475) буолуоҕа.

Бу көрдөрүү 2025 сылга олохтоммут биэнсийэлээх тиийинэн олоруу алын кээмэйиттэн суоттанан ааҕылынна. Биэнсийэ үрдээһинэ 4,2 мөлүйүөн биэнсийэлээҕи, ол иһиттэн 3,5 мөлүйүөн кэриҥэ социальнай биэнсийэни ылааччылары таарыйыаҕа. Федеральнай бүддьүөккэ уонна Социальнай пуонда бүддьүөтүгэр индексациялааһыны ыытыыга 85 миллиард кэриҥэ солкуобай көрүллүбүт. Бүддьүөттэн эбии үбүлээһин көрүллэрэ ирдэммэт.

Индексация социальнай биэнсийэлэри ылааччылары эрэ буолбакка, гражданнар кэккэ категорияларын эмиэ таарыйар. Муус устар 1 күнүттэн төлөбүр кээмэйэ үрдүүр:

• — байыаннай сулууспалааччыларга уонна кинилэр дьиэ кэргэттэрин чилиэттэригэр;
• — Аҕа дойду Улуу сэриитин кыттыылаахтарыгар, Севастополь уонна Сталинград эргимтэтигэр түбэспиттэргэ, блокаднай Ленинград олохтоохторугар;
• — радиацияттан эбэтэр технологическай катастрофаттан эмсэҕэлээбит гражданнарга уонна кинилэр дьиэ кэргэттэригэр;
• — ону сэргэ космонавтарга үлэ төлөбүрүн уонна кинилэр дьиэ кэргэттэригэр төлөбүрдэрин киллэрэн туран.

Үлэ министиэристибэтэ быһаарыытынан, индексация 2025 сылга көрүллүбүт үбүн-харчытын суотугар ыытылларын ыйда.