Сорох суоппардары cаҥа ыстарааптар күүтэллэр

Былырыын муус устар 1 күнүгэр диэри Арассыыйа гражданствотын ылбыт омуктар атын омук дойду суоппар дастабырыанньатын бу сыл муус устар 1 күнүгэр диэри уларытар эбээһинэстээхтэр.

Сокуону кэһээччилэр ыстарааптаныахтара. Бу туһунан юрист Александр Хаминскай иһитиннэрдэ.

«Ол курдук, соппар дастабырыанньатын уларытыы бүтэһик болдьоҕо бу сыл муус устар 1 күнүгэр түмүктэнэр. Бу күнтэн саҕалаан атын омук дастабырыанньалаахтар тырааныспары салайаллара бобуллар — ыстарааба 5-тэн 15 тыһыынча солк. диэри улаатар», — диэн РИА Новости кэпсээтэ.

Кини ону сэргэ 2025 сыл муус устар 1 күнүттэн эксээмэннэри туттарбакка эрэ дастабырыанньаны солбуйуу бэрээдэгэ тохтуур диэн эбэн эттэ.

Кыраныысса таһыгар суоппар быраабын ылбыттар уонна омук гражданнара 2025 сыл кулун тутар бүтүөр диэри суоппар дастабырыанньатын уларытыы бэрээдэгэ суол быраабылатын тутуһууну үрдэтиигэ туһуланар. Бу быһаарыы ону таһынан судаарыстыбаннай уорганнарга административнай ноҕуруусканы намтатыыга туһуланар.