Муус устар 12 күнэ — Космонавтика күнэ!

Муус устар 12 күнэ — бу күн 1961 сыллаахха киһи космоска көппүтэ. Космонавт Юрий Гагарин научнай арыйыы, эр санаа символа буолбута.

1962 сылтан Дьокуускайга космофизика чинчийиитин Института үлэтин саҕалаабыта. Институт бүгүҥҥү күҥҥэ күн уонна үөһээ хаттыгастары кэтиир-маныыр суолталаах кэтээһиннэри, үлэлэри оҥорор.

«Космос санааны кынаттыыр тиэмэ. Ааспыт сыл ахсынньытыгар Байконуртан Саха сирэ  уонна Бүлүү улууһа гербэлээх аракыата көппүтэ. Оттон Королев научнай ааҕыыларга биһиги өрөспүүбүлүкэбититтэн 1100 тахса оҕо кыттыбыта. Кинилэр инники олох аныгы технологиятын туһунан бырайыактарын көмүскээбиттэрэ» диэн суруйбут Ил Дархан Айсен Николаев ТГ ханаалыгар.