Муус устар 15 күнүттэн өрүһү туоруур кыһыҥҥы суоллар сабыллыахтара

Муус устар 1 күнүттэн  А-331 «Бүлүү» уонна Р-504 «Халыма» федеральнай суолларынан өрүһү туоруур кыһыҥҥы суолга көҥүллээх массыына ыйааһыннарын намтатар былааннааҕын туһунан «Бүлүү» федеральнай суол управлениетын пресс-сулууспата иһитиннэрдэ.

Оттон муус устар 15 күнүттэн А-331 «Бүлүү» уонна Р-504 «Халыма» федеральнай суолларынан өрүһү туоруур кыһыҥҥы суоллар тырааныспар бары көрүҥэр сабыллыахтаахтар.

Суол-иис алдьаныытын уонна өрүһү туоруур кыһыҥҥы суоллары  харыстааһыҥҥа «Бүлүү» федеральнай суол управлениета суол бэлиэлэрэ туруоруллубут ирдэбиллэрин кытаанахтык тутуһарга сүбэлиир.