Муус устар 18 күнэ: инчэҕэй хаар, буурҕа, күнүс +16° кыраадыс

Саха сиригэр бүгүн, муус устар 18 күнүгэр, кыралаан хаардыыр, хоту улуустарынан инчэҕэй хаар түһэр, күнүс киин улуустарынан +16° кыраадыска диэри сылыйыа.

Өрөспүүбүлүкэҕэ кыралаан хаардыыр, күнүс хотугулуу-арҕаа оройуоннарынан, Анаабыр, Булуҥ улуустарынан инчэҕэй хаар түһэр. Соҕуруу, хотугулуу-илин оройуоннарынан хаар түһэрэ күүтүллэр, диэн Саха сиринээҕи УГМС саайта иһитиннэрэр.

Кыра тыаллаах, арҕаа сөкүүндэҕэ 9-14 м. түргэннээх күүстээх тыаллаах, хоту муора кытылынан, Өлүөнэ өрүс алын тардыытынан сөкүүндэҕэ 15-20 м. диэри түргэннээх тыаллаах, сорох сиринэн буурҕа түһэр.

Салгын температурата түүн -6-11°, халыннаҕына -13-18°, хотугулуу-илин оройуоннарынан -23-28°, арҕаа -3-8°, соҕуруулуу-арҕаа -3,+2°. Күнүс салгын температурата +4+9°,соҕуруулуу-арҕаа +11+16°, хоту оройуоннарынан, Халымаҕа -3,+2°, хоту муора кытылынан -11-16°.

Дьокуускайга салгын температурата түүн -11-13°, күнүс +4+6°. Сөҥүүтэ суох, соҕуруулуу-илинтэн сөкүүндэҕэ 2-7 м. түргэннээх тыаллаах.