СИА хаартыската.
«Открой Якутию!» хайысха быйылгы «Муус устар» ыччат бэстибээлигэр биир саҥа хайысханан буолар. Бу иитинэн туризм эйгэтигэр икки куонкуруһу биллэрбиттэрэ — «Тайны якутских просторов» уонна «Лучший в сфере туризма и гостеприимства» диэн тиэмэлэргэ видеороликтары устууга. Билигин кыттарга сайаапкалары хомуйаллар.
«Тайны якутских просторов» өрөспүүбүлүкэтээҕи куонкурус Саха сиригэр туристары угуйарга, култуураны, айылҕаны инники күөҥҥэ тутарга ананан ыытыллар. Сайаапкалары тохсунньу 21 күнүгэр диэри туталлар. Оройуоннар биир бастыҥ үлэни талан ыытыахтаахтар. Муниципальнай түһүмэҕи ааспыт үлэ өрөспүүбүлүкэтээҕи түһүмэххэ тахсар. Бу тохсунньу 22-24 күннэригэр ыытыллыаҕа. Онон муниципальнай тэриллиилэртэн сайаапкалары contact@visit-yakutia.com электроннай аадырыска «Конкурс видеороликов» диэн бэлиэтээн ыыталларын тэрийээччилэр күүтэллэр.
Тохсунньу 29 күнүттэн олунньу 9 күнүгэр диэри видеороликтары Туризм сайдыытын уонна территориальнай маркетинг ааҕыныстыбатын телеграм-ханаалыгар таһаарыахтара. Кыайыылааҕы куоластааһын быһаарыаҕа. Түмүк олунньу 15 күнүгэр тахсыаҕа.
Итиэннэ «Лучший в сфере туризма и гостеприимства» куонкуруска эмиэ сайаапкалары туталлар. Бу куонкурус «Лучший гид-экскурсовод», «Лучший молодой повар», «Лучший молодой автор туристического сувенира Якутии» номинацияларынан ыытыллар.
2024 сылга бэстибээл 13 хайысханан 23 араас куонкуһу ыытыаҕа. Маны кытта Владимир Путин Арассыыйаҕа биллэрбит Дьиэ кэргэн сылыгар, Айсен Николаев Саха сиригэр биллэрбит Оҕо саас сылыгар анаммыт хайысхалар эмиэ баар буолуохтара диэн Ил Дархан уонна Бырабыыталыстыба дьаһалтатын пресс-сулууспата иһитиннэрэр.
Ньурба улууһун «Ньурбачаан нэһилиэгэ» муниципальнай тэриллии баһылыгын болдьоҕун иннинээҕи быыбара ахсынньы 1 күнүгэр ананна диэн…
Бүгүн Ил Түмэн онус ыҥырыылаах пленарнай мунньаҕа сарсыардаттан тигинэччи үлэлээтэ. Норуот дьокутааттара бастакы үс боппуруоһу…
РФ сэнээтэрэ Егор Борисов Саха сиригэр кэллэр эрэ, дьонун-сэргэтин кытта хайаан да көрсөн, санаатын атастаһар…
Саха Өрөспүүбүлүкэтин Судаарыстыбаннай Мунньаҕын (Ил Түмэн) онус ыҥырыылаах пленарнай мунньаҕа саҕаланна. Пленарнай мунньах сэтинньи 27-28…
"Атах тэпсэн олорон кэпсэтиэх" биэриигэ СӨ Сүрэх уонна тымыр ыарыыларын эмтиир киин дириэктэрин солбуйааччы, РФ…
Ааспыт сууккаҕа Саха сиригэр уон буруйу оҥоруу бэлиэтэннэ диэн СӨ борокуратуурата иһитиннэрэр. Түөкүттэр өрөспүүбүлүкэ түөрт…