«Муус устар-2024»: ыччат биисинэс-идиэйэни буларыгар оонньуу ыытыллыаҕа

Ааспыт сыл ахсынньытыттан «Команда моей мечты» диэн дьыалабыай оонньууга кыттарга сайаапкалары хомуйан саҕалаабыттара. Оонньуу «Муус устар» ыччат бэстибээлин иитинэн ыытыллар.

«Команда моей мечты» оонньуу көмөтүнэн ыччат бэйэтигэр сөптөөх биисинэс-идиэйэни буларыгар, ону тэҥэ кэпсэтиини ыытар дьоҕурун сайыннарарыгар туһуланар.

Оонньуу икки түһүмэхтээх:

1 түһүмэх — «Бизнес Битва» онлайн-оонньуу. Манна сайаапкалары тохсунньу 24 күнүгэр диэри туталлар.

2 түһүмэх — «Команда моей мечты» «Сахамедиа» медиа-киининэр олунньу 15 күнүгэр буолуоҕа. Манна уон хамаанда бириистээх миэстэ иһин киирсиэҕэ.

Оонньууга 14-35 саастаах ыччат кыттар. Сайаапканы mb-bo21@mail.ru электроннай аадырыска «Команда моей мечты» диэн бэлиэтээн ыытыаххытын сөп.