Хаартыска: "Муус устар-2025" бэстибээл саайта.
«МУУС УСТАР» – бу Уһук Илиҥҥэ ханна да суох Саха сирин ыччатын бөдөҥ бэстибээлэ. Бу ыччат бэйэтин көрдөрөр, биир санаалаах дьону булар далааһыннаах былаһаакката буолар.
Бэстибээл биир чаҕылхай түгэнинэн блогердар куонкурустара буолуоҕа, онон бу хайысхаҕа бэйэтин боруобалыан баҕарар эбэтэр социальнай ситимнэри салайар уопуттаах дьоҥҥо саҥа саҕахтары арыйыа.
Ева Шакор, Ализана Слепцова, Юлиан Дохунаев, Айыына Федорова, Надежда Кобякова, Люция Игнатьева курдук уопуттаах эспиэрдэр уонна талааннаах блогердар кыттааччыларга бу эйгэ ис дьиҥин өйдүүллэригэр көмөлөһүөхтэрэ. Ону тэҥэ уопуттаах блогердарга саҥа таһымҥа тахсар кыаҕы биэриэхтэрэ.
“МУУС УСТАР-2023” блогердар куонкурустарыгар үһүс миэстэ буолбут Ализана Слепцова санаатын үллэстэр: “Куонкуруска кыттыы миэхэ үгүс саҥа кыахтары арыйбыта, интэриэһинэй дьону кытта билсибитим. Билигин бэйэм эспиэр буолан, оҕолор блог оҥороллорун сайыннаралларыгар угуйар, көҕүлүүр соруктаахпын”.
Блогердар куонкурустарыгар кыттааччылар испииһэктэрэ: Люция Игнатьева, Протопопов Степан, Гуляев Станислав, Валерия Васильева, Максим Эверстов, Павлова Ольга, Юсеф Эласали, Шуан Сун, Юлия Смольникова, Винокурова Снежана.
“Элбэх киһи блогер диэн элбэх сурутааччылаах киһи дии саныыр. Ол гынан баран былырыын куонкуруска кыттарбар, киһи 100 сурутааччылаах да буоллаҕына, блогерынан ааҕыллыан сөп диэн быһаарбыттара. Тоҕо диэтэххэ, кинини истэллэр, кини эмиэ сурутааччыларын кытта санаатын үллэстэр. Баҕа санаатын сайыннарыан баҕалаах ыччакка бу улахан кыах. Кинилэр идэтийэн да, тус бэйэлэрэ үүнэн да сайдыахтарын сөп. Бу чахчы бэртээхэй саҕалааһын”, — диэн блогер Юлиан Дохунаев үллэстэр.
Куонкуруска “Бастыҥ блогер”, “Бастыҥ үөрэтэр контент”, “Бастыҥ сааратар контент”, “Бастыҥ социальнай блог” уонна “Сыл арыйыыта” диэн биэс анал аакка кыайыылаахтары быһаарыахтара. Кыайыылаах сүрүн бирииһи – 100 000 солкуобайы ылыаҕа, оттон бириистээхтэр спонсордартан бэртээхэй бэлэхтэри тутуохтара.
Блогердар куонкурустарын партнердарынан Ai group pro, Ростелеком, «Золотник» ювелирнай ситим, Дьокуускайдааҕы үүт собуота, «I speak English» английскай тыл оскуолата.
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…