Хаартыска: СИА
Бүгүн, муус устар 22 күнүгэр, Ленин төрөөбүт, Аан дойдуга Сир уонна Арассыыйаҕа экология кутталыттан көмүскэнии күнэ бэлиэтэнэр.
Владимир Ильич Ульянов-Ленин Арассыыйа империятын Симбирскэй куоратыгар 1870 с. муус устар 22 күнүгэр төрөөбүтэ. Революционер, марксизм бөдөҥ теоретига, сэбиэскэй бэлитиичэскэй уонна судаарыстыбаннай диэйэтэл, большевиктар баартыйаларын, Өктөөп улуу өрөбөлүүссүйэтин тэрийээччи, аан дойдуга бастакы социалистыы судаарыстыбаны – Сэбиэскэй Социалистыы Өрөспүүбүлүкэлэр Сойуустарын – төрүттээччи.
Сыл ахсын Экология халандаарын, биир бэлиэ бырааһынньык — Аан дойдуга Ийэ Сир күнэ бэлиэтэнэр. Бу бырааһынньык 2009 сыллаахха муус устар 22 күнүгэр НХТ Ассамблеятын 63 сиэссийэтигэр бигэргэттиллибитэ. Хас биирдии киһи Ийэ сиргэ, тулалыыр эйгэҕэ харыстабыллаах сыһыанын үөскэтии бырааһынньык сүрүн сыалынан буолар. Бу күн ким баҕалаах, олорор сирин-уотун, тэлгэһэтин ыраастыан, мас олордуон, араас аахсыйаларга, тэрээһиннэргэ кыттыан сөп.
Оттон Арассыыйаҕа бу күнү 1990 сылтан бэлиэтииллэр. Ол аата Арассыыйаҕа бу ураты күнү бэлиэтээбиттэрэ быйыл 35 сыла туолар. Билигин бу күн Аан дойдутааҕы национальнай ыстаатыстаах бырааһынньык буолар. Бырааһынньык күн Ийэ сирбит кыылын-сүөлүн, отун-маһын, ыраас уулаах өрүстэрин, күөллэрин харыстыыр сыаллаах-соруктаах.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…