Муус устар 27 күнүгэр Ил Дарханы кытта «Быһа лииньийэ» буолуоҕа

Өрөспүүбүлүкэ күнүгэр, муус устар 27 күнүгэр, Ил Дархан Айсен Николаевы кытта «Быһа лииньийэ» ыытыллыаҕа. Эпиир 18 чаастан саҕаланыаҕа.

Быһа эпиир кэмигэр Ил Дархан киирбит ыйытыыларга хоруйдуоҕа, өрөспүүбүлүкэни долгутар тиэмэлэри ырытыаҕа, сайдыы сүрүн соруктарынан санаатын үллэстиэҕэ.

Быһа эпиир «Саха» НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ, Ил Дархан социальнай ситимнэригэр көстүөҕэ.

Ыйытыылары 8 (4112) 506-006 нүөмэргэ эрийэн суукканы эргиччи ыытыахха сөп. Итиэннэ @voprosGlaveYakutii_bot телеграм-бот нөҥүө эмиэ туталлар.

Быһа эпиир кэмигэр ыйытыылары 8(4112) 32-01-11 нүөмэргэ эрийэн биэриэххэ сөп диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.