Муус устар 4-5 күннэригэр инчэҕэй хаар түһэр, күнүс ардыыр

УГМС иһитиннэриитинэн, муус устар 4-5 күннэригэр сылаас күннэр туруохтара. Инчэҕэй хаар түһэр, ардыыр, күнүс киин улуустарынан +1°…+3°С кыраадыска диэри сылыйыа.

Муус устар 4 күнүгэр өрөспүүбүлүкэҕэ хотугулуу-илин, соҕуруу улуустарынан хаардыыр.

Кыра тыаллаах, хоту муора кытылынан соҕуруу, хотугулуу-илин сөкүүндэҕэ 9-14 м. түргэннээх тыаллаах, тибиилээх.

Салгын температурата түүн -13-18°, хоту -22-27°, соҕуруу, соҕуруулуу-илин, соҕуруулуу-арҕаа -1-6° кыраадыс тымныы, күнүс 0,-5°, хоту -8-13° кыраадыс тымныы.

Дьокуускайга сарсыарда хаар түһэр, күнүс былыттаах. Арҕааттан сөкүүндэҕэ 5,5 м. түргэннээх тыаллаах. Салгын температурата түүн −9°…−4°, күнүс +1°…+3° кыраадыс сылаас.

Муус устар 5 күнүгэр арҕаа кыралаан хаардыыр, сорох сиринэн инчэҕэй хаар түһэр, күнүс ардыыр.

Салгын температурата арҕаа 0,+5°, соҕуруулуу-арҕаа +5+10°.

Дьокуускайга былыттаах, сөҥүүтэ суох. Хотугулуу-арҕааттан сөкүүндэҕэ 2,9 м. түргэннээх тыаллаах. Салгын температурата түүн −16°…−10°, күнүс −4°…−3° кыраадыс тымныы.