Киин куорат пааркатыгар кыһыны атаарыы буолуоҕа

Субуотаҕа, муус устар  5 күнүгэр, “ Дьокуускай, сааһы көрүс!” диэн бырааһынньык ыытыллыаҕа.

Кыһыны кытта быраһаайдаһар тэрээһиннэргэ киин куорат олохтоохторун уонна ыалдьыттарын култуура уонна сынньалаҥ пааркатыгар ыҥыраллар. Кыһыны атаарыы бырааһынньыга 12 чаастан саҕаланыаҕа.

Дьокуускай мэриятын пресс-сулууспата иһитиннэрбитинэн, бырааһынньыктааҕы бырагыраамаҕа норуот оонньуулара уонна күрэхтэһиилэрэ, самодеятельнай кэлэктииптэр уонна эстрада артыыстарын кэнсиэрдэрэ дьону сааратыахтара, сынньатыахтара. Араас аттракцион уонна минньигэс астаах кафелар үлэлиэхтэрэ.