Муус устар 7 күнэ — Былаҕачыанайап күнэ

Бүгүн, муус устар 7 күнэ — Былаҕачыанайап күнэ (Благовещение Пресвятой Богородицы).

Таҥара улахан бырааһынньыга: оннооҕор чыычаах аньыырҕаан уйа туттубат аатырар. Бу күн туллуктар кэлэллэр. Туллук үөрэ хойуу буоллаҕына, сааскы кус хойуутук кэлэр диэн билгэлииллэр. Моҕотой уйатыттан быгыалыыр, эһэ арҕаҕар уһуктан «кырдьыылыыр» (быган сытар), сааскы сылаас «өнньүө» күннэр тураллар.

Бу күн былыта суох ыраас күн турдаҕына — саас көхтөөхтүк кэлэригэр, тыалырдаҕына — хаптаһын хатааһын буоларыгар.