Хаартыска: sakha.gov.ru
«Муус устар- 2024» кыайыылааҕа Вероника Михайлова киэргэллэри оҥорууга бэйэтин дьыалатын саҕалыыр былааннаах. Билигин кини Ньурба гимназиятыгар эбии үөрэхтээһин педагогунан үлэлиир.
Киэргэллэри оҥорууга Саха сирин тулалыыр айылҕатын, ураты көстүүлэрин дьүһүйэр. Былырыын «Муус Устар» түһүлгэҕэ Өлүөнэ очуостарын уонна Саха сирин кэрэ кыргыттарын уобарастарын дьүһүйбүт сувенирынан кыайыылаах тахсыбыта.
«Бэстибээл кэмигэр «Якутяночка» диэн ырыа истэммин, саха кыргыттарын уобарастара сувениры оҥорорбор көмөлөөбүтэ«, — диэн кини санаатын үллэстэр. Иккис үлэтэ төрөөбүт Саха сириттэн Казахстаҥҥа ыытыллыбыт научнай-практическай кэмпириэнсийэҕэ айаннаабыт биир идэлээхтэригэр уонна үөрэнээччилэригэр анаммыта. Ньурба гимназиятыгар үлэтин таһынан дизайнер киэргэллэри оҥоруунан умсугуйар. Куонкуруска кыайыыта саҥа оҥоһуктары айан таһаарарыгар көҕүлээбитэ. «Мин бэйэ дьыалатын арыйыахпын уонна «Сделано в Якутии» уопсастыба чилиэнинэн буолуохпун баҕарабын», — диир кини.
Быйыл «Муус Устар» бэһис төгүлүн ыытыллыаҕа. Ыччат бэстибээлин тэрээһиннэрэ номнуо өрөспүүбүлүкэ үрдүнэн саҕаламмыттара. Финальнай шоу кулун тутар 22 күнүгэр «Триумф» успуорт уораҕайыгар буолуо.
«Муус устар» ыччат бэстибээлэ Саха сиригэр 2021 сылтан тэриллибитэ. Дойду Бэрэсидьиэнэ Владимир Путин бэлиэтээбитинэн, киэҥ далааһыннаах пуоруму ыытыы Саха сирин култуурунай, уопсастыбаннай олоҕор үтүө үгэскэ кубулуйда. Бэстибээл ыччаты түмэр, айар үлэ араас эйгэтигэр талааннарын арыйарга көмөлөһөр.
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыныгар – муҥхаҕа…
Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ…
Онкологиялаах ыарыһахтары өйүүр «UNITY» аһымал пуонда «Роскосмос» госкорпорацияны кытта оҕолорго баҕа санааларын олоххо киллэрэллэригэр көмөлөһөр…
Сэтинньи 3 күнүгэр, Норуот сомоҕолоһуутун бырааһынньыгын көрсө, Өрөспүүбүлүкэтээҕи лиссиэй-интэринээт уонна Модут орто оскуолатын үөрэнээччилэрэ, төрөппүттэрэ…