«Муус устар» бэстибээл бастыҥ асчыта Саха сирин чиэһин көмүскээтэ

Бииргэ үлэлиир кэллиэгэтин Алексей Юнчановы  кытта ыалдьыттарга кыһыллыбыт тоҥ балык, чыыр, таба, убаһа этин уонна отонтон минньигэс десерт, тайҕа чэйин билиһиннэрдэ.

«Муус устар» бэстибээл Петр асчыт быһыытынан аартыга арылларыгар көмлөспүт.

«Мин кыра эрдэхпиттэн ас астыырбын сөбүлүүбүн. Элбэх оҕолоох дьиэ кэргэҥҥэ төрөөбүт буоламмын бары ас астыырга кыра сааспытыттан үөрүйэхпит. «Муус устар» бэстибээлгэ кыттыым мин санаабын көтөхтө, салгыы айарбар-тутарбар көмө буолла», — диэн Петр санаатын үллэһиннэ.

Эдэр асчыт бастакы учууталынан «Вкус Якутии» бэстибээл кыайыылааҕа шеф-асчыт Александр Бисовки буолбут. Билигин Петр  «Республика» эрэстэрээҥҥэ  Герман Усов салалтатыныан үлэлиир.

«Маннык күрэхтэһиилэргэ кыттан бэйэҕитин боруобаланыҥ. Бары тэрээһиннэргэ кытта сатааҥ.  Киһи сайдар, элбэҕи билэр. Саҥаны арыйартан, саҕалыыртан куттанымаҥ. Хас биирдии куонкурус  үөрэх быһыытынан буолар», —  диир Петр.