Ульяна Захарова хаартыската
Бүгүн, кулун тутар 11 күнүгэр, Дьокуускай куоракка өрөспүүбүлүкэтээҕи медиа-кииҥҥэ «Муус устар» бэстибээл пресс-кэмпириэнсийэтэ буолла. Тэрээһин спикердэринэн СӨ ыччат уонна социальнай коммуникация миниистирин бастакы солбуйааччы Надежда Мохначевская итиэннэ тэрийээччилэр Максим Сыромятников, Людмила Мырсанова, Михаил Степанов буоллулар.
Быйылгы бэстибээл символларын талыыга ыччат ортотугар куонкурус ыытыллыбыт. Куонкурус кыайыылаахтарын сүүмэрдээн икки кыайыылааҕы талбыттар. Ол курдук Амма улууһуттан төрүттээх креативнай индустрия кэллиэһин 2 кууруһун устудьуоҥката Виктория Дьячковская «Кэскил» диэн ааттаах уруһуйунан бастаабыт. Иккис миэстэҕэ Мэҥэ Хаҥалас улууһун Майатыттан төрүттээх Күннэй Иванова буолбут.
Бэстибээл туһунан Надежда Мохначевская:
— Бэстибээл быйыл бэһис төгүлүн ыытыллар. Урукку сылларга тэрээһин туһунан киэҥник кэпсиир, рекламалыыр эбит буоллахпытына, быйыл эрдэттэн улахан иһитиннэриитэ суох, ыччаттар бэйэлэрэ сайаапкаларын түһэрэн, улуустар истэригэр түһүмэхтэргэ кыттан саҕалаабыттара. Ол аата ыччат бэстибээл туһунан номнуо билэрин туоһулуур. Буоларын курдук, быйыл эмиэ Арассыыйа таһымнаах улахан ыалдьыттар кэлиэхтэрэ. Ытык киһибит, СӨ бочуоттаах олохтооҕо Иннокентий Тарбахов 80 cааһын көрсө, «Секреты шефа» диэн асчыттар куонкурустара ыытыллыаҕа. «Муус устар» бэстибээл чэрчитинэн «Чистая Арктика» диэн хайысха баар буолла. Манна Арктическай оройуоннар кыттыахтара. Бу саҥа куонкурус буолар. Бастакытын бэстибээл чэрчитинэн «Россия страна возможностей» диэн платформаҕа тирэҕирэн, эдэр лиидэрдэргэ анаммыт хас да хайысхалаах куонкурус ыытыллыаҕа. Маны таһынан байыаннай-патриотическай иитиигэ туһуламмыт байыаннай оонньуу буолуоҕа, — диэн пресс-кэмпириэнсийэ кэмигэр кэпсээтэ.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…