«Муус Устар» бэстибээл куонкуруһун кыайыылааҕа «Бэлэм буол» сурунаалга ураты иллюстрациялары оҥорор

«Муус Устар-2024» бэстибээл сыыппара худуоһунньуктарын күрэһин кыайыылааҕа Анжелика Яковлева бүгүн биллэр оҕо сурунаалыгар уруһуйдуур.

Анжелика «Кыһыҥҥы тыын» хайысханан куонкуруска кыайбыта диэн бэстибээл тэрийээччилэрэ биллэрдилэр.

«Былырыын «Муус Устар» бэстибээлгэ аан бастакытын кыттыбытым. Ити олус умсугутуулаах этэ! Куонкуруска Кыайыым миэхэ эрэли уонна айар эйгэбэр саҥа көрүүнү биэрбитэ», — диир кини.

Анжелика АГИКИ үһүс кууруһун устудьуона. Кинигэ ускуустубатын уонна графиканы сөбүлүүр. Ыраах оройуоннарынан плэнергэ сылдьан Арктика улуустарын кэрэ айылҕатын уруһуйдуон баҕарар.

Анжелика «Бэлэм буол» оҕо сурунаалыгар үлэтин уонна үөрэҕин быыһыгар араас быыстапкаларга кыттар. Ол иһигэр Москваҕа «Россия» норуоттар икки ардыларынааҕы быыстапкаҕа уонна «Үргэл» арт-галереяҕа кыттыбыта.

Санатан эттэххэ, «Муус Устар» бэстибээл Саха сиригэр 2021 сылтан ыытыллар. Быйыл бэһис төгүлүн буолуоҕа. Тэрээһин Саха сирин эдэр талааннарын булууга, өйөөһүҥҥэ уонна өрө таһаарыыга ыытыллар. Бэстибээли тэрийээччилэр — «Эльга» хампаанньа генеральнай спонсор өйөбүллэринэн СӨ Бырабыыталыстыбата .

#МуусУстар2025 #MuusUstar2025