«Муус Устар» бэстибээл кыайыылаахтара ааттаннылар

«Муус Устар» бэстибээл бүгүн түмүктүүр дьоро киэһээтэ «Өрөгөй» спортивнай комплекска буола турар.

Быйылгы тэрээһин Улуу Кыайыы 80 сылыгар анаммыт буолан, дьоро киэһэ тиэмэтэ Аҕа дойду Улуу сэриитигэр кыайыыга ананна.

Сэбиэскэй Сойуус дьоруойдарын аныгы үйэ буолан, сыыппаранан «тилиннэрэн көрдөрбүттэрин ыччаттар иһийэн олорон чуумпуран көрдүлэр.

Бу саала иһигэр олорор ыччаттар үгүстэрэ бу мичээрдээбитинэн ыраахтан чугаһаан кэлэр сэрии сылларынааҕы дьоруойдар саастыылаахтара…

Сэрии кэминээҕи түһүмэх кыайыылаахтарын биллэрдилэр. «Ийэ дойдуну көмүскээччилэр» хайысхаҕа Уус Алдан улууһун хамаандата бастаата.

Арктическай улуустарга «Ыччат бастыҥ арктическай оройуона» номинацияҕа Өлөөн улууһун хамаандата ааттанна.

«Ыччат Саха сирин куораттааҕы уокуругун бастыҥ оройуона» бочуоттаах аакка Мэҥэ Хаҥалас улууһун хамаандата тигистэ.

Кыайыылаахтары ситиһиилэринэн истиҥник эҕэрдэлиибит!