Ил Дархан, бырабыыталыстыба дьаһалтатын пресс-сулууспата.
Кулун тутар 25 күнүгэр күнүс 12 чаастан Сайсары күөлгэ Дьокуускай куорат олохтоохторугар анаан, “Муус устар” ыччат бэстибээлин чэрчитинэн, араас тэрээһиннэр ыытылла тураллар. Ол иһигэр, “салгын моҕойдорун” шоута дьон болҕомтотун тарта.
Бу 30 миэтэрэлээх “салгын моҕойдорун” Москваттан, Санкт-Петербуртан аҕалбыттар.
— Биһиги 30 миэтэрэ усталаах кит балыгы, 25 миэтэрэлээх дракону, баараҕай скаттары, осьминогтары, куосканы, күлгэрини, о.д.а. аҕаллыбыт. Шоуну оҕолор, ыччат эрэ буолбакка, улахан дьон эмиэ астыналлар, көхтөөх кыттыыны ылаллар, оҕо саастарыгар түһэн ылаллар. Биһиги кулууппут 2003 сылтан үлэлиир. Бу кэмтэн аан дойду үрдүнэн араас бэстибээллэргэ кыттыбыппыт. Саха сиригэр аан бастаан кэллибит, — диэн «PROKITE» кулууп салайааччыта Михаил Лоськов кэпсээтэ.
Маны тэҥэ, Ийэ искибиэригэр Арассыыйа муусукааннара Тим Акимов, Basiaga, DJ Kashin, саха эстрадатын артыыстара, «СулуСТАР», «Хомус тэтимэ» диэн бэстибээл куонкурустарын кыайыылаахтара кэнсиэртиэхтэрэ.
Урут “Муус устар” бэстибээлгэ муус шоута, дроннар шоулара, мэппинг, о.д.а. буолар этэ. Быйыл таһырдьааҥҥы бырагырааманы аҕыйатан баран, үөрэтэр былаһааккалары, куонкурустары элбэтэр туһунан быһаарбыттара.
“Муус устар” бэстибээли СӨ бырабыыталыстыбата 2021 сылтан тэрийэн ыытар. Быйыл бырагыраамаҕа 12 хайысхалаах. Куонкурустарга барыта 8 тыһыынчаттан тахса киһи кытынна. Бастыҥтан бастыҥнар талыллан кэлэн, кулун тутар 24-25 күннэригэр түмүктүүр түһүмэхтэргэ кытыннылар. Бүгүн 4 чаастан “Өрөгөй” спорт киинигэр бэстибээли түмүктүүр түһүлгэ буолуоҕа.
Ил Дархан, бырабыыталыстыба дьаһалтатын пресс-сулууспата.
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…